நெல்லையில் ரூ.96 லட்சம் பறிமுதல்; தேர்தல் அலுவலர்கள் அதிரடி

நெல்லை: திருநெல்வேலி சுற்றுவட்டார பகுதிகளில் இதுவரை நடந்த வாகன சோதனையில் ஆவணங்கள் இன்றி கொண்டு செல்லப்பட்ட ரூ.96 லட்சம் பறிமுதல் செய்யப்பட்டு உள்ளதாக மாவட்ட வருவாய்த்துறை அலுவலர் முத்துராமலிங்கம் தெரிவித்துள்ளார்.

உரிய ஆவணமின்றி 96 லட்சம் பறிமுதல்

Published : Mar 18, 2019, 5:17 PM IST

இதுகுறித்து நெல்லை மாவட்ட வருவாய்த்துறை அலுவலர் முத்துராமலிங்கம் செய்தியாளர்களிடம் கூறியதாவது,

திருநெல்வேலி நாடாளுமன்ற தொகுதிக்கான வேட்புமனுவை மாவட்ட ஆட்சியர், நெல்லை கோட்டாட்சியர் ஆகியோரிடம் தாக்கல் செய்யலாம். தென்காசி நாடாளுமன்ற தொகுதிக்கு மாவட்ட வருவாய் அலுவலர், கோட்டாட்சியர் ஆகியோரிடம் வேட்பாளர்கள் தங்கள் வேட்புமனு தாக்கல் செய்யலாம் என தெரிவித்தார்.

வேட்பாளர்கள் தங்கள் மீதுள்ள வழக்குகளை சி1 படிவத்தின்படி பத்திரிகை மற்றும் காட்சி ஊடகத்தின் மூலம் மக்களுக்கு தெரியப்படுத்த வேண்டும். மேலும் அந்தந்த கட்சி தலைமை தங்கள் வேட்பாளரின் மேல் இருக்கும் வழக்குகள் மற்றும் தீர்ப்பு வழங்கப்பட்ட வழக்குகள் குறித்த விவரத்தை தலைமை தேர்தல் அலுவலரிடம் தேர்தலுக்கு 48 மணிநேரத்திற்கு முன்பு தெரியப்படுத்த வேண்டும்.

இதுவரை உரிய ஆவணங்களின்றி கொண்டு செல்லப்பட்ட ரூ.96 லட்சத்து 7 ஆயிரத்து 900 பறிமுதல் செய்யப்பட்டுள்ளது, என்றார்.

இதுவரை உரிய ஆவணங்கள் இன்றி கொண்டு செல்லப்பட்ட 96 லட்சத்து 7 ஆயிரத்து 900 ரூபாய் பறிமுதல் செய்யப்பட்டு உள்ளது. நெல்லை மாவட்ட வருவாய்த்துறை அலுவலர் பேட்டி.

நெல்லை மாவட்ட வருவாய்த்துறை அலுவலர் முத்துராமலிங்கம் இன்று தேர்தல் பணிகள் குறித்து செய்தியாளர்களை சந்தித்தார் அப்பொழுது அவர் கூறியதாவது,

17வது நாடாளுமன்ற தேர்தல் வேட்புமனு தாக்கல் நாளை துவங்குகிறது. நாளை 19ம் தேதி முதல் 26 வரை வேட்புமனு தாக்கல் செய்யலாம்.

திருநெல்வேலி நாடாளுமன்ற தொகுதிக்கான வேட்புமனுவை மாவட்ட ஆட்சித்தலைவர் - தேர்தல் நடத்தும் அலுவலரிடமும், நெல்லை கோட்டாட்சியர் - உதவி தேர்தல் நடத்தும் அலுவலரிடமும் வேட்புமனுவை தாக்கல் செய்யலாம்.

தென்காசி நாடாளுமன்ற தொகுதிக்கு மாவட்ட வருவாய் அலுவலர் - தேர்தல் நடத்தும் அலுவலரிடமும், தென்காசி கோட்டாட்சியர் - உதவி தேர்தல் நடத்தும் அலுவலரிடமும் வேட்புமனு தாக்கல் செய்யலாம்.

காலை 11 மணி முதல் 3மணி வரை வேட்புமனு தாக்கல் செய்யலாம். வேட்புமனு தாக்கல் செய்யும் போது படிவம் எண் 2A, மற்றும் திருந்திய படிவம் 26 உடன் அனைத்து ஆவணங்களையும் தாக்கல் செய்ய வேண்டும்.

தேர்தல் நடத்தும் அலுவலர் அலுவலகத்திற்கு 100மீட்டர் தூரத்திற்குள் 3 வாகனங்கள் மட்டுமே அனுமதிக்கப்படும். வேட்புமனு செய்யும் போது வேட்பாளர்கள் உட்பட 5 பேர் அனுமதி.

பொதுப்பிரிவினர் 25 ஆயிரமும், ஆதிதிராவிடர் மற்றும் பழங்குடியினருக்கு 12,500ம் டெபாசிட் தொகை செலுத்த வேண்டும். மேலும் தேர்தல் செலவு கணக்கு பார்வையாளர்கள் 4 பேர் நெல்லை மற்றும் தென்காசி தொகுதிக்கு இன்று மாலை வருகை தர உள்ளனர்.

வேட்புமனு தாக்கல் செய்யும் போது வேட்பாளர்களில் பொது பிரிவினருக்கு 25,000 ரூபாய், டெபாசிட் தொகையும், ஆதிதிராவிடர் மற்றும் பழங்குடியினர் வகுப்பை சேர்ந்தவர்களுக்கு 12,500 ரூபாய் டெபாசிட் தொகையும் செலுத்த வேண்டும், காசோலை அனுமதிக்கப்படாது.

வேட்பாளர்கள் தன்மீது உள்ள வழக்குகளை சி1 படிவத்தின் படி பத்திரிகை மற்றும் காட்சி ஊடகத்தின் மூலம் மக்களுக்கு தெரியப்படுத்த வேண்டும். மேலும் அந்தந்த கட்சி தலைமை தங்கள் வேட்பாளரின் மெல் இருக்கும் நிலுவையில் உள்ள வழக்குகள் மற்றும் தீர்ப்பு வழங்கப்பட்ட வழக்குகள் குறித்த விவரத்தை சி.இ.ஓ. விடம் தேர்தலுக்கு 48 மணிநேரத்திற்கு முன்பு தெரியப்படுத்த வேண்டும்.

இதுவரை உரிய ஆவணங்கள் இன்றி கொண்டு செல்லப்பட்ட 96 லட்சத்து 7 ஆயிரத்து 900 ரூபாய் பறிமுதல் செய்யப்பட்டு உள்ளது. என்றும் அவர் தெரிவித்தார்.

For All Latest Updates