திருநெல்வேலி மாவட்டம் தென்காசி அருகே கடையநல்லூர் பகுதியிலிருந்து தென்காசி நோக்கி பயணிகள் ஆட்டோ ஒன்று சென்றது. அப்போது, எதிரே வந்த இருசக்கர வாகனத்தில் மோதாமல் இருக்க ஆட்டோவை வலது புறமாக திருப்பியுள்ளார் ஓட்டுநர். ஆனால், எதிர்பாராத விதமாக கட்டுப்பாட்டை இழந்த ஆட்டோ, இருசக்கர வாகனத்தின் மீது மோதி விபத்துக்குள்ளானது. இதில் ஆட்டோவில் பயணம் செய்த 4 பெண்கள் உட்பட 5 பேர் படுகாயமைந்தனர். இதையடுத்து, அருகில் இருந்தவர்கள் காயமடைந்தவர்களை மீட்டு சிகிச்சைக்காக மருத்துவமனையில் சேர்த்தனர்.
இருசக்கர வாகனத்தில் வந்த மாற்றுத்திறனாளி மாணிக்கம் என்பவர், பலத்த காயமடைந்து அவசர பிரிவில் சிகிச்சை பெற்று வருகிறார். மேலும் காயமடைந்த மற்ற நான்கு பெண்களில் ஒருவர் கர்ப்பிணி என்று கூறப்படுகிறது. அவர் மருத்துவர்களின் தீவிர கண்காணிப்பில் உட்படுத்தப்பட்டுள்ளார். இந்த விபத்து தொடர்பாக போலீசார் விசாரணை மேற்கொண்டுள்ளனர்.
