'ஊழல் பணத்தை காப்பாற்றவே மோடியை 'டாடி' ஆக்கி விட்டனர்' - சஞ்சய்தத்!

நெல்லை: "முன்னாள் முதலமைச்சரை 'அம்மா' என்று அழைத்தவர்கள் ஊழல் மூலம் கொள்ளையடித்த பணத்தை காப்பாற்ற மோடியை 'டாடி' என்று அழைக்கிறார்கள்" என்று, அகில இந்திய காங்கிரஸ் கட்சி செயலாளர் சஞ்சய்தத் விமர்சித்துள்ளார்.

சஞ்சய்தத் செய்தியாளர் சந்திப்பு

Published : Mar 11, 2019, 11:24 PM IST

இந்திய காங்கிரஸ் கட்சி செயலாளரும், தமிழக மேலிடப் பொறுப்பாளருமான சஞ்சய்தத், இன்று நெல்லையில் செய்தியாளர்களிடம் கூறியதாவது,

தமிழகத்தில் காங்கிரஸ் கட்சி சார்பில் 92 முதல் 95 சதவிகிதம் பூத் கமிட்டி அமைக்கும் பணிகள் முடிந்துவிட்டது. தமிழகத்தில் இருந்தே தனது முதல் தேர்தல் பிரச்சாரத்தை தொடங்கும் ராகுல் காந்தி, வரும் 13 ஆம் தேதி கன்னியாகுமரி வருகிறார்.

கன்னியாகுமரியில் நடக்கும் பொதுக் கூட்டத்தில் திமுக தலைவர் மு.க.ஸ்டாலின் உள்ளிட்ட கூட்டணிக் கட்சி தலைவர்களும் பங்கேற்க உள்ளனர்.

மோடி தேர்தல் நேரத்தில் அளித்த வாக்குறுதிகளை நிறைவேற்றவில்லை. இதனை மறைக்க அவர் பல்வேறு யுத்திகளை கையாண்டு வருகிறார்.

முன்னாள் முதல்வர் ஜெயலலிதாவை அம்மா என்று அழைத்தவர்கள், தற்போது ஊழல் மூலம் கொள்ளையடித்த பணத்தை காப்பாற்ற மோடியை டாடி என்று அழைக்கிறார்கள்.

தமிழக மீனவர்கள் பாதிக்கப்பட்டபோதும் , கஜா புயல் பாதிப்புகள் ஏற்பட்டபோதும் மக்களை சந்திக்க வராத பிரதமர் தற்போது தேர்தலுக்காக அடிக்கடி வருகிறார்" என்று கடுமையாக விமர்சித்தார்.

முன்னாள் முதல்வர் ஜெயலலிதாவை அம்மா என்று அழைத்தவர்கள் தற்போது ஊழல் மூலம் கொள்ளையடித்த பணத்தை காப்பாற்ற மோடியை டாடி என்று அழைக்கிறார்கள் என்று அகில இந்திய காங்கிரஸ் கட்சி செயலாளரும், தமிழக மேலிடப் பொறுப்பாளருமான சஞ்சய்தத் நெல்லையில் செய்தியாளர்களுக்கு அளித்த பேட்டியில் தெரிவித்துள்ளார்.

இதுகுறித்து அவர் நெல்லையில் செய்தியாளர்களுக்கு அளித்துள்ள பேட்டியில் தமிழகத்தில் காங்கிரஸ்கட்சி சார்பில் 92 சதவீதம் முதல் 95 சதவீதம் பூத் கமிட்டி அமைக்கும் பணிகள் முடிந்துவிட்டது. வருகிற 13-ந்தேதி கட்சியின் அகில இந்திய தலைவர் ராகுல்காந்தி கன்னியாகுமரி வருகிறார். தமிழகத்தில் இருந்தே முதன் முதலாக தேர்தல் பிரச்சாரத்தை தொடங்குகிறார்.

கன்னியாகுமரியில் நடக்கும் பொதுக் கூட்டத்தில் திமுக தலைவர் மு.க.ஸ்டாலின் உள்ளிட்ட கூட்டணிக் கட்சி தலைவர்கள் பங்கேற்கின்றனர். மோடி தேர்தல் நேரத்தில் அளித்த வாக்குறுதிகளை நிறைவேற்றவில்லை, இதனை மறைக்க அவர் பல்வேறு யுத்திகளை கையாண்டு வருகிறார்.

நாட்டில் வேலையில்லாத் திண்டாட்டம் நாட்டில் தலைவிரித்து ஆடுகிறது, அனைத்து துறைகளிலும் ஊழல் நிறைந்துள்ளது. பண மதிப்பிழப்பு ,ஜி.எஸ்.டிவரி விதிப்பு , சிறுதொழில்களை நசுக்குதல் , விலைவாசி உயர்வு என மோடி அரசு தொடர்ந்து மக்கள் விரோத அரசாகவே செயல்பட்டு வருகிறது. முன்னாள் முதல்வர் ஜெயலலிதாவை அம்மா என்று அழைத்தவர்கள் தற்போது ஊழல் மூலம் கொள்ளையடித்த பணத்தை காப்பாற்ற மோடியை டாடி என்று அழைக்கிறார்கள். மத்திய அரசின் மூலமாக அதானி ,அம்பானி போன்ற மிகப்பெரும் கார்ப்பரேட் தொழில் நிறுவனங்களே அதிக பலன் பெற்றுள்ளன, மற்ற தொழில் நிறுவனங்கள் எல்லாம் நசுக்கப்பட்டுள்ளன, தமிழக மீனவர்கள் பாதிக்கப்பட்டபோதும் , கஜா புயல் பாதிப்புகள் ஏற்பட்டபோதும் மக்களை சந்திக்க வராத பிரதமர் தற்போது தேர்தலுக்காக அடிக்கடி வருகிறார் என்றும் அவர் தெரிவித்தார்.

For All Latest Updates