திருநெல்வேலி: மடோன் அஸ்வின் இயக்கத்தில் சிவகார்த்திகேயன், மிஷ்கின், அதிதி ஷங்கர், சரிதா உள்ளிட்டோர் நடித்த மாவீரன் படம் இன்று தியேட்டர்களில் பிரமாண்டமாக ரிலீஸாகி இருக்கிறது. முதல் நாள் முதல் காட்சியை பார்க்க ரசிகர்கள் திரையரங்கங்களுக்குப் படையெடுத்து வருகின்றனர். சிவகார்த்திகேயன் தொலைக்காட்சி துறையில் அறிமுகமாகி, தனது திறமையின் மூலம் வெள்ளித்திரைக்குள் நுழைந்தவர்.
யதார்த்தமான அவரது காமெடி திறமையினால் குழந்தைகள் முதல் பெரியவர்கள் வரை அனைத்து ரசிகர்களையும் கட்டிப்போட்டார். காமெடியில் மட்டும் தான் சிவகார்த்திகேயன் கலக்குவாரா என்னும் கேள்விகளை அடித்து நொறுக்கியது, இவர் நடிப்பில் வெளியான ஆக்ஷன் படங்கள். இந்நிலையில் இந்த மாவீரன் திரைப்படம் மீண்டும் சிவகார்த்திகேயனை ஆக்ஷன் ஹீரோவாக காண்பிக்கும் படமாக அமைந்துள்ளது. இருப்பினும் மாவீரன் படத்திற்கு முன்னதாக வெளியான இவரது படங்களின் ஆக்ஷன் பக்கம் சற்று தொய்வையே சந்தித்தன.
இதையும் படிங்க: Maaveeran: கட்சி கொடியால் படத்துக்கு வந்த சிக்கல்... பொறுப்புத்துறப்பு போடச்சொன்ன நீதிபதி!
மண்டேலா படத்தில் சமூக அக்கறை கலந்த ஒரு அழுத்தமான கதையுடன் தன் கருத்துகளைப் பகிர்ந்து தேசிய விருது பெற்றவர் இயக்குநர் மடோன் அஷ்வின். இவரின் அடுத்த படமாக சிவகார்த்திகேயனைக் கொண்டு இயக்கிய மாவீரன் திரைப்படத்திலும் சமூக அக்கறையுடன் பேண்டஸி கலந்த படமாக கொடுத்துள்ளார் என்பதைக் கடந்து கம்ர்ஷியல் படத்தை கொடுத்துள்ளார் என்பதனை ரசிகர்கள் மத்தியில் ஆழ்வாக பதிவு செய்து உள்ளார்.
பிரின்ஸ் படதோல்விக்கு பின்னர் வெற்றிப்படம் கொடுத்துவிட வேண்டும் என்ற நோக்கில் மாவீரன் படத்திற்காக முழு முயற்சிகளில் இறங்கினார். இந்நிலையில் இன்று திரையரங்குகளில் வெளியான் மாவீரன் படத்திற்கு ரசிகர்கள் மத்தியில் நல்ல வரவேற்பு கிடைத்துள்ளது. மேலும் மாவீரன் ரசிகர்கள் கொண்டாடும் படமாகவும் வெற்றி வாகை சூடியுள்ளது.
இந்த நிலையில் நெல்லை மாநகரத்தில் உள்ள ஆறு திரையரங்கில் மாவீரன் திரைப்படம் வெளியாகி உள்ளது.இதனைக் கொண்டாடும் வகையில் நெல்லை ராம் சினிமாஸ் திரையரங்கில் சிவகார்த்திகேயன் ரசிகர்கள் சார்பில் 80 அடி உயரத்தில் அவருக்கு பிரம்மாண்டமான கட்டவுட் வைக்கப்பட்டுள்ளது. இந்த கட்டவுட் ரசிகர்கள் மத்தியில் வரவேற்பை பெற்றுள்ளது. சமீபகாலமாகவே நெல்லையில், சினிமா நடிகர்களுக்கு ரசிகர்கள் பிரம்மாண்ட கட்அவுட் வைப்பது வாடிக்கையாக நடைபெற்று வருகிறது.
குறிப்பாக சமீபத்தில் தமிழக அமைச்சர் உதயநிதி ஸ்டாலின் நடித்த மாமன்னன் திரைப்படம் வெளியான போது, இதே திரையரங்கில் உதயநிதி ஸ்டாலினுக்கு 100 அடி உயரத்தில் ரசிகர்கள் கட்டவுட் வைத்தனர். தொடர்ந்து தற்போது சிவகார்த்திகேயனுக்கு அவரது ரசிகர்கள் 80 அடியில் கட் அவுட் வைத்திருப்பது குறிப்பிடத்தக்கது.
இதையும் படிங்க: மாவீரன் சமூக அக்கறையோடு எடுக்கப்பட்டதாக உதயநிதி வாழ்த்து - சிவகார்த்திகேயன் பேட்டி
