கரோனா நோய்த் தொற்று நாளுக்கு நாள் தமிழ்நாட்டில் அதிகரித்து வருகின்றது. நோய்த் தாக்குதலைக் கட்டுப்படுத்த பல்வேறு நடவடிக்கைகள் எடுத்த தமிழ்நாடு அரசோ, நேற்று முன் தினம் (மே 7) முதல் மதுபான கடைகள் செயல்படுவதற்கு அனுமதி அளித்தது.
இதற்கு எதிர்ப்பு தெரிவிக்கும் வகையில், தேனி மாவட்டம் கம்பம் நகரில் மக்கள் அதிகாரம் அமைப்பினர் மதுபானகடைகள் திறக்கப்பட்டதற்கு எதிராக கண்டன பதாகைகளை ஆங்காங்கே தொங்கவிட்டுள்ளனர்.
மேலும் ஊருக்கு ஊர் சாராயக்கடைகளை திறந்து பெருங்கும்பலைக் கூட்டி, கரோனா தொற்றை உருவாக்கும் அரசே என முழக்கங்களை எழுப்பி, அத்தியாவசிய உணவுப் பொருட்கள் விற்பது குற்றமா? என்ற வாசகங்கள் அடங்கிய பதாகைகளை நகரின் முக்கிய வீதிகளில் உள்ள கடைகளில் தொங்கவிட்டுள்ளனர்.
இதையும் படிங்க: கரோனா தடுப்பு நடவடிக்கை - 2570 ஒப்பந்த செவிலியர்கள் நியமனம்!
