நீலகிரி மாவட்டம், கூடலூரை அடுத்த புன்னம்புழா ஆற்றில் கடந்த செப்டம்பர் மாதம் 9ஆம் தேதி புளியவயல் பகுதியைச் சேர்ந்த ராஜேஷ் என்பவர் அடித்துச் செல்லப்பட்டார்.
இதையடுத்து, தீயணைப்புத் துறையினர், காவல் துறையினர், ஊர் பொதுமக்கள் ஆகியோர் கடந்த 26 நாட்களாக அவரது உடலைத் தேடிவந்தனர். இந்நிலையில், இன்று புளியவயல் பகுதியைச் சேர்ந்த இளைஞர்கள் அவரது உடலைத் தேடும் பணியில் ஈடுபட்டனர். அப்போது அவர்களுக்கு, ராஜேஷின் உடல் புன்னம்புழா ஆற்றின் சேற்றில் சிக்கியிருப்பது தெரியவந்தது.
இதனையடுத்து, தீயணைப்பு துறைக்கு தகவல் தெரிவிக்கப்பட்டது. பின்னர் அங்கு விரைந்த தீயணைப்பு துறையினர் அவரது உடலை மீட்டு, உடற்கூறாய்விற்காக அரசு மருத்துவமனைக்கு அனுப்பி வைத்தனர். மேலும், இறந்தவரின் குடும்பத்திற்கு அரசு உதவி செய்ய முன்வர வேண்டுமெனவும் அப்பகுதி மக்கள் கோரிக்கை வைத்துள்ளனர்.
இதையும் படிங்க:
