நீலகிரி மாவட்டம், எல்ல நள்ளி பகுதியில் தூய்மை இந்தியா சார்பில் மாவட்ட ஆட்சியர் இன்னசென்ட் திவ்யா தலைமையில் 'சுத்தமான நீலமலை' எனும் தலைப்பில் மரக்கன்று நடும் விழா நடைபெற்றது. இதில், சுற்றுச்சூழல் ஆர்வலரும் நடிகருமான விவேக் மரக் கன்றுகளை நட்டார்.
பின்னர், அவர் செய்தியாளர்களிடம் பேசுகையில், "சுத்தமான நீலகிரியை நாம் உருவாக்க வேண்டும். என் குப்பை என் பொறுப்பு என்று மக்கும் குப்பை, மக்கா குப்பை என பிரித்து கொடுக்க வேண்டும். ஊட்டியில் உள்ள அனைத்து விடுதிகளிலும் ஃபேன் பொருத்தப்பட்டு உள்ளது. இந்த நிலை மாற வேண்டும் என்றால் நிறைய மரங்களை நாம் நட வேண்டும்" என்றார்.
ஃபேன் இல்லாத ஊட்டி அமைய வேண்டும் - நடிகர் விவேக்
பின்னர் நிகழ்ச்சியில், பிளாஸ்டிக்கை பயன்படுத்த மாட்டோம், தூய்மையான மாவட்டத்தை உருவாக்குவோம், புற்றுநோயிலிருந்து விடுபடுவோம் என்று உறுதிமொழி எடுத்துக் கொண்டனர்.
