நீலகிரி மாவட்டத்தில் கோடை சீசன் களைகட்டியுள்ள நிலையில் குன்னுார் கிளப்பில் ஓவியக் கண்காட்சி தொடங்கியது. இதில், நாடு முழுவதிலுள்ள பல்வேறு பகுதிகளைச் சேர்ந்த மாற்றுத்திறனாளிகள் ஆறு பேர் வரைந்த ஓவியப் படைப்புகள் இடம்பெற்றுள்ளன.
மாற்றுத்திறனாளிகள் வரைந்த ஓவியங்களின் கண்காட்சியை பல தரப்பு மக்களும் ஆச்சரியத்துடன் கண்டுசெல்கின்றனர்
இது குறித்து இக்கண்காட்சியை ஒருங்கிணைத்த தனியார் அமைப்பைச் சேர்ந்தவர்கள் கூறும்போது, ’மாற்றுத்திறனாளிகள் வரைந்த ஓவியங்கள் மட்டுமே இங்கு பார்வைக்கு வைக்கப்பட்டுள்ளன. பல தரப்பு மக்களும் ஆர்வத்துடன் பார்வையிடுகின்றனர். மேலும் இக்கண்காட்சியின் மூலம் வரும் பணம் முழுவதும் இந்த ஓவியங்களை வரைந்த மாற்றுத்திறனாளிகளின் நலனுக்காக பயன்படுத்தப்படும்’ எனத் தெரிவித்தார்கள்.
