நீலகிரியில் அமமுக வேட்பாளர் தீவிர பிரச்சாரம்!

நீலகிரி: குந்தா ஒன்றியப் பகுதியில், நீலகிரி மக்களவைத் தொகுதி அமமுக வேட்பாளர் எம்.ராமசாமி தேர்தல் பரப்புரை மேற்கொண்டார்.

நீலகிரி மக்களவைத் தொகுதி அம்மா மக்கள் முன்னேற்ற கழக வேட்பாளர் எம். ராமசாமி குந்தா ஒன்றிய பகுதிகளான எடக்காடு, இத்தலார், நஞ்சநாடு, நுந்தளா உள்ளிட்ட பகுதிகளில் தேர்தல் பரப்புரை மேற்கொண்டார்.

அப்போது திமுக, அதிமுக கட்சிகளை சேர்ந்த 100-க்கும் மேற்பட்டோர் அமமுகவில் இணைந்தனர். பின்னர் மக்களிடம் பேசிய அவர் நீலகிரி மக்களவைத் தொகுதியில் அமமுக கட்சிக்கு வாக்களியுங்கள் என வேண்டுகோள் விடுத்தார்.

இதில் அமமுக நீலகிரி மாவட்ட கழக செயலாளர் எஸ். கலைச்செல்வன், கழக அமைப்புச் செயலாளர் தேனாடு லட்சுமணன் , ஒன்றிய செயலாளர் மோகன், கழக சிறுபான்மை பிரிவு மாநில செயலாளர் தம்பி இஸ்மாயில் மற்றும் கழக நிர்வாகிகள் பங்கேற்றனர்.