தஞ்சாவூர் மாவட்டம் கும்பகோணத்தில் மகளிர் பாதுகாப்பு குறித்து மக்களிடையே விழிப்புணர்வு ஏற்படுத்தும் வகையில் நடைபெற்ற மினி மராத்தான் ஓட்டத்தில் ஆயிரத்துக்கும் மேற்பட்டோர் கலந்து கொண்டனர்.
ஐந்து கிலோ மீட்டர், 10 கிலோ மீட்டர் தூரம் என இரண்டு பிரிவுகளில் நடைபெற்ற இப்போட்டியில் சுமார் 1200 பேர் கலந்துகொண்டனர். பத்து கிலோமீட்டர் மாரத்தான் போட்டியில் பெண்கள் பிரிவில் ஜெயாபரதன், கொரநாட்டுகருப்பூரைச் சேர்ந்த பைரவி, தஞ்சையைச் சேர்ந்த நிஷா ஸ்ரீ ஆகியோர் முறையே 1, 2, 3ஆம் பரிசுகள் பெற்றனர்.
ஆண்கள் பிரிவில் திருவையாறைச் சேர்ந்த முத்துகிருஷ்ணன், கும்பகோணத்தைச் சேர்ந்த ஹரிதாஸ், மயிலாடுதுறையைச் சேர்ந்த வினோத்குமார் ஆகியோர் முறையே 1, 2, 3ஆம் பரிசுகள் பெற்றனர். இவர்களுக்கு நினைவு பரிசு, சான்றிதழ், ரொக்கம் உள்ளிட்ட பரிசுகள் வழங்கப்பட்டன.
இதையும் படிங்க: கொரோனா வைரஸ் எதிரொலி: சீனாவிற்கு உதவிக்கரம் நீட்டும் இந்தியா!
