மத்திய பட்ஜெட் வருகின்ற பிப்ரவரி 1ஆம் தேதி தாக்கல் செய்யப்பட உள்ளது. இந்த பட்ஜெட்டில் வருமான வரி, ஜிஎஸ்டி குறைப்பு உள்ளிட்ட பல்வேறு அறிவிப்புகள் வெளியாகும் என எதிர்பார்க்கப்படும் நிலையில், இதுகுறித்து தஞ்சை மக்கள் சில வேண்டுகோள் விடுத்துள்ளனர்.
இதுகுறித்து வழக்கறிஞர் நல்லதுரை என்பவர் கூறுகையில், ‘தனிமனித வருமான உச்சவரம்பு, ரூபாய் 10 லட்சத்திற்கும் மேலாக உயர்த்தி நிர்ணயிக்க வேண்டும். அதற்கு மேல் சம்பளம் வாங்குபவர்கள் வருமான வரி கட்ட வேண்டும் என அறிவிப்பு வெளியிட வேண்டும். 10 லட்சத்திற்கும் குறைவாக வாங்குபவர்கள் வருமான வரி கட்டும் பட்சத்தில், வாங்கும் சம்பளத்தை செலவு செய்தல் ஆகிவிடும்.
ஏக போக நெல் கொள்முதல் நிலையங்களை அரசு கொள்முதல் செய்கிறது, நாளுக்கு நாள் உரம் விலை ஏற்றம் ஆட்கூலி சம்பளம் என விலையேற்றத்தைச் சந்தித்து வரும் விவசாயிகள், விளைவிக்கும் விலைக்கே அரசு கொள்முதல் செய்கிறது. ஆனால், நாளுக்கு நாள் ஏற்படும் ஏற்றங்களை அரசு கண்டு கொள்ளவில்லை.
மேலும், விவசாயிகள் மழை, புயல் காலங்களில் ஏற்படும் இழப்புகளை ஈடுசெய்யும் வகையில், கூட்டுறவு வங்கிகளில் வாங்கிய கடனை மட்டுமில்லாமல், அனைத்து வங்கிகளிலும் விவசாயிகள் பெறப்பட்ட கடன்களை தள்ளுபடி செய்து கணக்கில் எடுத்துக்கொள்ள வேண்டும்.
பேரிடர் காலங்களில் விவசாயிகள் சந்திக்கும் பயிர் இழப்பீடுகளை விவசாயிகளுக்கு சதவீத அடிப்படையில் அல்லாமல் முழுமையாக வழங்க வேண்டும். 70 ஆண்டுகளுக்கும் மேலாக ஆட்சியமைத்து சுதந்திர இந்தியாவில் விளைவித்த விவசாய பொருட்களான வெங்காயம் உள்ளிட்டவற்றை பாதுகாக்க முடியாமல் அரசு இருந்துவருகிறது. இதெல்லாம் கவலையோடு அரசு புரிந்துகொண்டு வருகின்ற பட்ஜெட்டில் தீர்வு காண வேண்டும்’ என்று தெரிவித்தார்.
இதையும் படிங்க: விவசாயத்திற்கென தனி பட்ஜெட் வழங்கப்படுமா? - விவசாயிகள் கோரிக்கை
