உலக மக்களை அச்சுறுத்தி வரும் கரோனா வைரஸில் இருந்து பொதுமக்களை பாதுகாக்க ஊரடங்கு உத்தரவு பிறப்பிக்கப்பட்டுள்ளது. கடந்த சில தினங்களாக தமிழ்நாடு அரசு ஊரடங்கு உத்தரவில் பல்வேறு தளர்வுகள் ஏற்படுத்தி வருகிறது. இந்த நிலையில் இன்று முதல் மாவட்டத்திற்குள் 50 விழுக்காடு பேருந்துகள் இயக்கப்படும் என முதலமைச்சர் எடப்பாடி பழனிசாமி அறிவித்தார்.
அதன்படி கும்பகோணத்திலிருந்து தஞ்சாவூருக்கு இரு அரசுப் பேருந்துகள் இயக்கப்பட்டன. அதில் அரசு துறை ஊழியர்கள், வங்கி பணியாளர்கள் என ஒரு பேருந்தில் 30 பேர் மட்டும் சென்றனர்.
அதேபோன்று கும்பகோணத்தில் கரோனா வைரஸ் தொற்று பரவல் காரணமாக தடை செய்யப்பட்ட பகுதியாக அறிவிக்கப்பட்ட பெரிய தெரு, கும்பேஸ்வரன் வடக்கு வீதி ஆகியவற்றில் அமைக்கப்பட்டிருந்த சாலை தடுப்புகள் அகற்றப்பட்டன. இன்று முதல் அப்பகுதியில் வணிகம் தொடங்கியுள்ளதால் வணிகர்கள் மகிழ்ச்சி அடைந்துள்ளனர்.
இதையும் படிங்க: மக்களுக்கு அரசால் செய்ய முடியாத உதவிகளை திமுக செய்கிறது' - கீதா ஜீவன்
