சங்கரன்கோவில் அருகே ஒருவர் அடித்துக் கொலை!

தென்காசி : சங்கரன்கோவில் ஆவுடையாபுரம் பகுதியைச் சேர்ந்த ஒருவரை, அடித்து கொலை செய்துவிட்டு தப்பி ஓடிய அடையாளம் தெரியாத நபர்களை காவல் துறையினர் தேடி வருகின்றனர்.

தென்காசி மாவட்டம் சங்கரன்கோவில் அருகே ஆவுடையாபுரம் பகுதியைச் சேர்ந்தவர் தமிழன். தற்போது பாட்டத்தூர் பகுதியில் தனது மகன், மகள்களுடன் வாழ்ந்துவந்தார். இவர் மீது அடிதடி, கட்டப்பஞ்சாயத்து என நாற்பதுக்கும் மேற்பட்ட வழக்குகள் காவல் நிலையத்தில் நிலுவையில் உள்ளன.

இந்நிலையில் நேற்று (மார்ச் 27) உறவினர் வீட்டுக்கு சென்றுவிட்டு வீடு திரும்பும்போது, சங்கரன்கோவில் அருகே அடையாளம் தெரியாத நபர்கள் அவரை அடித்துக் கொலை செய்துவிட்டு தப்பி ஓடினர்.

தகவலறிந்து சம்பவ இடத்திற்கு விரைந்து வந்த சின்ன கோவிலங்குளம் காவல் துறையினர் உடலை மீட்டு உடற்கூராய்வுக்காக அரசு மருத்துவமனைக்கு அனுப்பி வைத்தனர். இதுகுறித்து வழக்குப்பதிவு செய்த காவல் துறையினர் தப்பி ஓடிய குற்றவாளிகளை தீவிரமாக தேடி வருகின்றனர்.

இதையும் படிங்க: பள்ளப்பட்டி சம்பவம்: அண்ணாமலைக்கு ஆதரவாகக் களமிறங்கிய அதிமுக நிர்வாகிக்கு கொலை மிரட்டல்!