சிவகங்கை: மறவமங்கலம் அடுத்துள்ள அதியதிரும்பல் கிராமத்தைச் சேர்ந்த சின்னையா மகன் சண்முகம். இவர் கோயம்புத்தூரிலுள்ள மதுபான விடுதியில் வேலை செய்து வருகிறார்.
தற்சமயம் இவர் சொந்தக் கிராமத்திற்கு திரும்பிய நிலையில் இன்று (பிப். 04) காலை புரசடைஉடைப்பில் செயல்பட்டுவரும் திறந்தவெளி சிறைச்சாலை அருகே அடையாளம் தெரியாதவர்களால் கொடூரமாக வெட்டிக் கொலை செய்யப்பட்டார்.
இதனைக்கண்ட அப்பகுதி மக்கள் காளையார்கோவில் காவல் நிலையத்திற்குத் தகவல் தெரிவித்தனர்.
பின்னர், சம்பவ இடத்திற்கு வந்த காவல் துறையினர், சண்முகத்தின் சடலத்தைக் கைப்பற்றி உடற்கூராய்வுக்காக சிவகங்கை அரசு மருத்துவக் கல்லூரி மருத்துவமனைக்கு அனுப்பி வைத்தனர்.
தொடர்ந்து, கொலை சம்பவம் குறித்து வழக்குப்பதிவு செய்த காவல் துறையினர், கொலையாளிகளை தீவிரமாகத் தேடி வருகின்றனர்.
இதையும் படிங்க: காதல் தோல்வியால் காவலர் தற்கொலை
