சேலம்: இச்சிபாளையம் பகுதியை சேர்ந்த காந்தி என்பவரது மகன் கௌதமன். இவர் சமீபத்தில் புதுப்பாளையம் பகுதியில் வசித்து கொண்டு கூலி வேலை செய்து வருகிறார். இந்த நிலையில் கடந்த மாதம் 7ஆம் தேதி கோபிசெட்டிபாளையம் பகுதியைச் சேர்ந்த ராமச்சந்திரன், பழனிச்சாமி ஆகிய இருவரும் அப்பகுதியில் உள்ள மதுபான கடையில் குடித்துக் கொண்டிருந்தனர்.
அப்போது அங்கு வந்த சேலத்தைச் சேர்ந்த கௌதம் என்பவர் இருவரிடமும் கூலிங் பீர் கேட்டு தகராறு செய்துள்ளார். இதில் பீரை கொடுக்க இருவரும் மறுக்கவே ஆத்திரமடைந்த கௌதம் இருவரையும் பிராந்தி பாட்டிலால் தாக்கி காயம் ஏற்படுத்தியுள்ளார், இது குறித்து கோபிசெட்டிபாளையம் காவல்துறையினர் வழக்குப்பதிவு செய்து கௌதம் என்பவரை கைது செய்து விசாரணை மேற்கொண்டனர்.
விசாரணையில் இவர் மீது கோபிசெட்டிபாளையம் காவல்நிலையத்தில் கஞ்சா,அடிதடி, உள்ளிட்ட வழக்குகள் இருப்பதும், அதே போல சேலம் மாவட்டத்தில் திருட்டு,வழிப்பறி உள்ளிட்ட பல்வேறு வழக்குகளில் தொடர்புடையது தெரியவந்தது.
பின்னர் கோபிசெட்டிபாளையத்தில் உள்ள நீதிமன்றத்தில் ஆஜர்படுத்தப்பட்டு மாவட்ட சிறையில் அடைத்தனர். தொடர்ந்து கௌதமை குண்டர் சட்டத்தில் அடைக்க மாவட்ட காவல் கண்காணிப்பாளர் மாவட்ட ஆட்சித்தலைவருக்கு பரிந்துரை செய்தார். அதை தொடர்ந்து அவர் கோவை மத்திய சிறையில் அடைக்கப்ட்டார்.
இதையும் படிங்க: 'செவிடன் காதில் சங்கு ஊதியது போல் மெத்தனமாக செயல்படுகிறது தமிழ்நாடு அரசு' - எடப்பாடி பழனிசாமி விமர்சனம்!
