'எனது ஓட்டு, எனது உரிமை' - சேலம் மாணவிகளின் விழிப்புணர்வு

சேலம்: அனைவரும் வாக்களிக்க வேண்டுமென்பதை வலியுறுத்தி, கல்லூரி மாணவிகள் 'எனது ஓட்டு, எனது உரிமை' என்ற தலைப்பின் கீழ் விழிப்புணர்வு நிகழ்ச்சி நடத்தினர்.

தமிழ்நாடு தேர்தல் ஆணையத்தின் சார்பில், அனைவரும் தவறாமல் 100 விழுக்காடு வாக்களிக்க வேண்டும் என்பதை வலியுறுத்தி, பல்வேறு விழிப்புணர்வு நிகழ்ச்சிகள் நடத்தப்பட்டுவருகிறது. அதன் ஒரு பகுதியாக, சேலம் பொன்னம்மாப்பேட்டையிலுள்ள தனியார் கல்லூரியில், 'எனது ஓட்டு, எனது உரிமை' என்னும் தலைப்பில் விழிப்புணர்வு நிகழ்ச்சி நடைபெற்றது.

இந்நிகழ்ச்சியில் சேலம் மாவட்ட ஆட்சியர் ராமன் தலைமையில் மாணவிகள் உறுதிமொழி ஏற்றுக்கொண்டனர். அதனைத் தொடர்ந்து கல்லூரி மாணவிகளுக்கான கோலப்போட்டி உள்ளிட்ட பல்வேறு போட்டிகள் நடைபெற்றது.