புதுக்கோட்டை மாவட்டம் ஜெகதாபட்டினத்திலிருந்து ராமநாதபுரத்தைச் சேர்ந்த மெசியா, நாகராஜ், செந்தில்குமார், ஷ்யாம் ஆகிய 4 மீனவர்கள் ஆரோக்கிய சேசு என்பவருக்கு சொந்தமான படகில், மீன் பிடிக்க சென்றனர். படகு நடுக்கடலில் பழுதாகியுள்ளது. அப்போது இலங்கை கடற்படையினர் ரோந்து வந்தனர். இதனால் மீனவர்கள் பதறியபடி படகை இயக்கியதால் இலங்கை கடற்படை ராணுவ கப்பல் மீது மோதி கடலில் மூழ்கியதாக கூறப்படுகிறது.
இது குறித்து இலங்கை கடற்படையினர் கூறுகையில், "நேற்றிரவு நெடுந்தீவு கடற்பரப்பில் இலங்கை கடற்படையினர் படகுகளை கைப்பற்ற முயன்றபோது, புதுக்கோட்டையிலிருந்து வந்த ஒரு படகு கடலில் மூழ்கியது.
இலங்கை கடற்படை கப்பலும் சேதமடைந்துள்ளது. மீனவர்களை தேடும் பணியில் ஈடுபடுகிறோம்" என்றனர். தற்போது மீனவர்களின் உடல்களை மீட்க அவரது குடும்பத்தினர் அரசிற்கு கோரிக்கை வைத்துள்ளனர்.
இதையும் படிங்க: மெரினா கரையில் கவிழ்ந்த படகு: ஐந்து மீனவர்கள் மீட்பு!
