ராமநாதபுரம் மாவட்டம் பரமக்குடியில் உள்ள இமானுவேல் சேகரனின் 62ஆவது குருபூஜை விழா நடைபெற்றது. இதில் பாஜக சார்பாக முன்னாள் மத்திய இணை அமைச்சர் பொன்.ராதாகிருஷ்ணன் இமானுவேல் சேகரன் நினைவிடத்தில் மலர் வளையம் வைத்து மரியாதை செலுத்தினார்.
இமானுவேல் சேகரன் நினைவிடத்தில் கட்சித் தலைவர்கள் மரியாதை!
அதேபோல் புதிய தமிழகம் கட்சியின் நிறுவனத் தலைவர் கிருஷ்ணசாமி மலர் வளையம் வைத்து மரியாதை செய்தார். அவரைத் தொடர்ந்து தமிழக மக்கள் முன்னேற்றக் கட்சியின் தலைவர் ஜான் பாண்டியனும், அவரது ஆதரவாளர்களும் மலர் வளையம் வைத்து மரியாதை செய்தனர். மேலும், தமிழ்நாட்டிலிருந்து ஆயிரக்கணக்கான மக்கள் இம்மானுவேல் சேகரன் நினைவிடத்தில் மலர்த் தூவியும், பால்குடம் எடுத்தும் மரியாதை செலுத்தினர்.
