ராமநாதபுரம் மாவட்டத்தில் உலக பிரசித்தி பெற்ற ராமேஸ்வரம் ராமநாதசுவாமி திருக்கோயில் உள்ளது. கரோனா தொற்று 2ஆவது அலையால் தமிழ்நாடு அரசு முழு ஊரடங்கைப் பிறப்பித்துள்ளது. இதன் அடிப்படையில் வழிபாட்டுத் தலங்கள் மற்றும் சுற்றுலாத் தலங்கள் மூடப்பட்டுள்ளன.
இதனால், கோயிலுக்கு பக்தர்களின் வருவதில்லை. இதனால் கோயிலுக்கு பக்தர்களை நம்பி இருந்த யாசகர்கள் பொது முடக்க நேரத்தில் அன்றாட உணவில்லாமல் தவித்து வந்தனர். இதனை அறிந்த ராமேஸ்வரம் நண்பர்கள் இயக்கம் என்ற அமைப்பினர் சார்பில், கோயிலைச் சுற்றியுள்ள 100க்கும் மேற்பட்ட யாசகர்களுக்கு மதிய உணவு மற்றும் தண்ணீர் பாட்டில்களை வழங்கினர்.
இது குறித்து நண்பர்கள் அமைப்பினர் தெரிவிக்கையில்,"இந்த முழு ஊரடங்கு முடிவடைந்து ராமேஸ்வரம் பகுதி இயல்பு நிலைக்குத் திரும்பும் வரை இந்த யாசகர்களுக்கு நாள்தோறும் உணவு பொட்டலங்கள் வழங்கப்படும்" எனத் தெரிவித்தனர்.
இதையும் படிங்க: 12ஆம் வகுப்பு பொதுத் தேர்வு கட்டாயம் நடத்தப்படும் - அன்பில் மகேஷ் பொய்யாமொழி
