ராமேஸ்வரத்தில் முன்னாள் குடியரசுத் தலைவர் அப்துல் கலாமின் மூத்த சகோதரர் முகமது முத்து மீரா மரைக்காயர் நேற்றிரவு வயது மூப்பின் காரணமாக காலமானார். சாதி, மத பேதமின்றி அனைவரும் அப்துல் கலாமின் அண்ணன் உடலுக்கு மாலை அணிவித்து அஞ்சலி செலுத்தினர்.
தொடர்ந்து, ஜமாத்தார்கள் முன்னிலையில் துவா ஓதி முகைதீன் ஆண்டவர் தொழுகை பள்ளியில் வைத்து உடல் நல்லடக்கம் செய்யப்பட்டது. இதில் மாவட்டத்தின் பல்வேறு பகுதிகளிலிருந்து வந்த மக்கள் கலந்துகொண்டனர்.
கலாம் உயிருடன் இருக்கும்போது தனது மூத்த சகோதரரைச் சந்திக்க ராமேஸ்வரத்துக்கு அடிக்கடி வந்து செல்வது வழக்கம். அண்ணன் மீது கலாம் அளவு கடந்த பாசத்தை வைத்திருந்தது குறிப்பிடத்தக்கது. இவரது மறைவுக்கு அரசியல் கட்சித் தலைவர்கள் பலர் இரங்கல் தெரிவித்தனர்.
இதையும் படிங்க: சும்மா கிழி... ஆர்டிஓ வேடத்தில் வாகன தணிக்கையில் ஈடுபட்ட திமுக பிரமுகர்
