புதுக்கோட்டை ஆட்சியர் அலுவலகத்தில் தீக்குளிக்க முயன்ற பெண்

புதுக்கோட்டை: வரதட்ணை கேட்டு கொடுமைப்படுத்தும் கணவர் மற்றும் அவரது குடும்பத்தினர் மீது உரிய நடவடிக்கை எடுக்காததைக் கண்டித்து ஆட்சியர் அலுவலகத்தில் தீக்குளிக்க முயன்ற பெண்ணை காவல் துறையினர் தடுத்தனர்.

புதுக்கோட்டை மாவட்ட ஆட்சியர் உமா மகேஸ்வரியிடம் மனு அளிக்க வந்த பெண், ஆட்சியர் அலுவலகம் முன்பு தீக்குளிக்க முயன்றார். இதைக் கண்ட காவல் துறையினர் அந்தப் பெண்ணை தடுத்து நிறுத்தினர்.

மேலும், அவரிடம் நடத்தப்பட்ட விசாரணையில், அவர் புதுக்கோட்டை மாவட்டம் கரம்பக்குடியை சேர்ந்த அன்பரசி என்பது தெரியவந்தது. அன்பரசியின் கணவர் பரமசிவம் தன் குடும்பத்தாருடன் இணைந்து கடந்த ஐந்து ஆண்டுகளாக வரதட்சணைக் கேட்டு துன்புறுத்துவதாகக் கூறப்படுகிறது.