புதுக்கோட்டை மாவட்டம் திருமயத்தைச் சேர்ந்த பாக்கியராஜ் (54) என்பவர் தனது மனைவி வெண்ணிலா (50)மகன் ஸ்டாலின் (24) ஆகிய மூவரும் வேளாங்கண்ணிக்குச் சென்றனர்.
அப்போது, எதிரே வந்த மணமேல்குடியைச் சேர்ந்த நடேசன்(37) என்பவர் ஓட்டி வந்த இருசக்கர வாகனத்தின் மீது கட்டுப்பாட்டை இழந்த கார் நேருக்கு நேர் மோதியது.
இதில் கார் அப்பளம் போல் நொறுங்கியது. இந்த விபத்தில் பாக்கியராஜ் சம்பவ இடத்திலேயே உயிரிழந்தார். இந்தச் சம்பவம் குறித்து தகவலறிந்து சம்பவ இடத்திற்கு விரைந்து சென்ற காவல் துறையினர், காரில் இருந்த வெண்ணிலா, ஸ்டாலின், இருசக்கர வாகனத்தில் வந்த நடேசன் ஆகிய மூவரையும் மீட்டு அறந்தாங்கி அரசு மருத்துவமனைக்கு அனுப்பி வைத்தனர்.
பின்னர், மேல் சிகிச்சைக்காக புதுக்கோட்டை அரசு மருத்துவக் கல்லூரிக்கு அனுப்பி வைக்கப்பட்டனர். இந்த விபத்து குறித்து ஆவுடையார்கோவில் காவல் துறையினர் வழக்குப் பதிவு செய்து விசாரணை மேற்கொண்டு வருகின்றனர்.
இதையும் படிங்க : கார் வெடித்ததில் உடல் கருகி உயிரிழந்த இளைஞர்!
