புதுக்கோட்டை மாவட்டம் கீரனூர் புனித ஆரோக்கிய அன்னை மேல் நிலைப்பள்ளியில் கடந்த 1998 ஆம் ஆண்டு படித்த 10ஆம் வகுப்பு மாணவர்கள் 25 ஆண்டுகளுக்கு பிறகு சந்திப்பு நிகழ்ச்சி நடத்தி வெள்ளிவிழா கொண்டாட்டத்தில் ஈடுபட்டனர். இதில், சிறப்பு விருந்தினர்கள், கல்வி கற்றுக்கொடுத்த இருபால் ஆசிரியர்கள், பெற்றோர்கள், ஊர் மக்கள், குழந்தைகளுடன் வெள்ளி விழா கொண்டாட்டத்தில் பங்கேற்று ஒருவருக்கொருவர் கை கொடுத்தும், கட்டியணைத்தும் தங்கள் மகிழ்ச்சியை வெளிப்படுத்தியதோடு அந்த காலத்தில் வெளியான சினிமா பாடல்களை இசைத்து நடனமாடி மகிழ்ந்தனர்.
விழாவில் சிறப்பு விருந்தினர்கள் அந்தோனி அடிகள், சகாய ஜெயக்குமார் அடிகள் மற்றும் கல்வி கற்றுக்கொடுத்த ஆசிரிய பெருமக்கள் குத்து விளக்கு ஏற்றி விழாவை தொடங்கி வைத்தனர். விழாவில் 1998 ஆம் ஆண்டில் படித்த முன்னாள் மாணவ, மாணவியர்கள் கலந்து கொண்டு நட்பு பாராட்டி, மதிய உணவு உண்டு பழைய காலத்து நினைவுகளை நினைவுப்படுத்தி கொண்டனர்.
தொடர்ந்து கற்றுக் கொடுத்த ஆசிரியர்களுக்கு மரியாதை செலுத்தும் விதமாக மாணவ, மாணவிகள் காலில் விழுந்து ஆசீர்வாதம் பெற்றனர். பால்ய கால நண்பர்கள் தங்களது குடும்பத்துடன் வந்திருந்து ஒருவருக்கொருவர் நட்பையும், நினைவுகளையும் பரிமாறிக்கொண்டு எதிர்காலத்தில் இந்த நட்பு தொடர்ந்து பயணித்து வீட்டில் நடக்கும் விசேசங்களில் ஒருவருக்கொருவர் கலந்து நட்புறவுவை வலுப்படுத்தவும் உறுதி எடுத்துக்கொண்டனர்.
தொடர்ந்து அவர்கள் படிக்கும் காலத்தில் வெளியான தமிழ் சினிமா பாடல்களை இசைத்தும், பாடியும், நடனமாடி மகிழ்ந்தனர்.
இந்த நிகழ்ச்சியை கடந்த ஒரு வருடமாக ஏற்பாடு செய்த முன்னாள் மாணவர் தாமஸ் ஸ்டாலின் உள்ளிட்டோரை விழாவில் பங்கேற்ற முன்னாள் மாணவர்கள் பாராட்டியதோடு நன்றி தெரிவித்து கொண்டனர்.
இதையும் படிங்க: 1 மணி நேரத்தில் 17 கி.மீ., ஸ்கேட்டிங் - சாதனை மாணவர்களுக்குப் பின் இருக்கும் சமூகப்பொறுப்பு!
