புதுக்கோட்டை: விராலிமலை அருகே உள்ள மாதிரிபட்டியைச் சேர்ந்த பிச்சம்மாள் என்ற பெண்மணி சென்னை - மதுரை தேசிய நெடுஞ்சாலை ஓரத்தில் ஆடு மேய்த்துக் கொண்டிருந்தார். அப்போது சென்னையிலிருந்து மதுரை நோக்கி சென்ற கார் ஒன்று ஓட்டுநரின் கட்டுப்பாட்டை இழந்து ஆடு மேய்த்துக் கொண்டிருந்த பிச்சம்மாளின் மீது மோதி உள்ளது.
இதில் படுகாயம் அடைந்த பிச்சம்மாளின் அலறல் சத்தம் கேட்டு அருகே இறந்தவர்கள் ஓடி வந்து அவரை காப்பாற்ற முயன்றுள்ளனர். ஆனால் விபத்தில் படுகாயமடைந்த பிச்சம்மாள் சம்பவ இடத்திலேயே உயிரிழந்துள்ளார். அங்கிருந்த மக்கள் இந்த சம்பவம் குறித்து விராலிமலை காவல்துறையினருக்குத் தகவல் கொடுத்தனர்.
தகவலின் அடிப்படையில் அங்கு வந்த விராலிமலை போலீசார் விசாரணை மேற்கொண்ட போது காரை ஓட்டி வந்தவர் சென்னையைச் சேர்ந்த பிரகாஷ் என்பதும், சம்பவ நேரத்தில் அவரின் கட்டுப்பாட்டை இழந்து கார் தாறுமாறாக ஓடி பிச்சம்மாள் மீது மோதி உள்ளது என்பதும் தெரியவந்தது.
இதனையடுத்து பிச்சம்மாளின் உடலை போலீசார் உடற்கூராய்விற்காக மணப்பாறை அரசு மருத்துவமனைக்கு அனுப்பி வைத்தனர். மேலும் போலீசார் இச்சம்பவம் குறித்து வழக்குப் பதிவு செய்து விசாரணை மேற்கொண்டு வருகின்றனர்.
இதையும் படிங்க: புத்தாண்டு: கோவா சென்று திரும்புகையில் நடந்த கார் விபத்தில் 4 தமிழர்கள் பலி!
