பெரம்பலூர் பாலக்கரை பகுதியில் உள்ள திமுக மாவட்ட அலுவலகத்தில் அக்கட்சியின் மாவட்ட செயலாளர் ராஜேந்திரன் தலைமையில் மாவட்ட செயற்குழு கூட்டம் நடைபெற்றது. அதில் பேசிய அவர், சென்னையில் வரும் ஜூன் 3ஆம் தேதி நடைபெற உள்ள கருணாநிதி பிறந்தநாள் விழா பொதுக்கூட்டத்திற்கும், ஜூன் 15ஆம் தேதி திருச்சியில் நடைபெறும் கருணாநிதி சிலை திறப்பு விழாவிற்கும் அதிக அளவில் தொணடர்கள் நம் தொகுதியில் இருந்து செல்ல வேண்டும் என்றார்.
மேலும், இந்திய ஜனநாயக கட்சியின் நிறுவனர் பாரிவேந்தர் வெற்றிபெற்ற பெரம்பலூர் நாடளுமன்றத் தொகுதி, ஆ.ராசா வெற்றிபெற்ற நீலகிரி நாடாளுமன்றத் தொகுதி, விடுதலை சிறுத்தைகள் கட்சியின் தலைவர் தொல். திருமாவளவன் வெற்றிபெற்ற சிதம்பரம் நாடாளுமன்றத் தொகுதிகளில் அவர்களுக்கு வாக்களித்த வாக்காளர்களுக்கும், உழைத்த தொடண்ர்களுக்கும் நன்றி தெரிவித்து தீர்மானங்களை நிறைவேற்றினார். இந்த கூட்டத்தில் திமுக மாவட்ட, ஒன்றிய, நகர கிளை கழக பொறுப்பாளர்கள் பலர் கலந்து கொண்டனர்.
