தமிழ்நாட்டில் நாளை (ஏப்ரல் 18) நடைபெற உள்ள மக்களவை பொதுத் தேர்தலுக்கான வாக்குப்பதிவு காலை 7 மணிக்கு தொடங்குகிறது. இதனிடையே வாக்குச்சாவடி மையங்களுக்கு வாக்குப்பதிவு இயந்திரங்கள் இன்று அனுப்பிவைக்கப்பட்டன.
பெரம்பலூர் மக்களவைத் தொகுதிக்குட்பட்ட பெரம்பலூர் சட்டப்பேரவைத் தொகுதியில் உள்ள 332 வாக்குச்சாவடி மையங்களுக்கு வாக்குப்பதிவு இயந்திரங்கள் மற்றும் வாக்குப்பதிவை உறுதிப்படுத்தும் இயந்திரங்கள் உள்பட மொத்தம் 996 இயந்திரங்கள் மற்றும் வாக்குப்பதிவிற்குத் தேவையான பொருட்கள் ஆகியவை மாவட்ட ஆட்சியரும் தேர்தல் நடத்தும் அலுவலருமான வே சாந்தா முன்னிலையில் தேர்தல் அலுவலர்கள், காவலர்கள், துணை ராணுவத்தினர் உள்பட துப்பாக்கி ஏந்திய காவல் துறையினரின் பாதுகாப்புடன் அந்த வாக்குச்சாவடி மையங்களுக்கு அனுப்பிவைக்கப்பட்டன.
இதேபோன்று பெரம்பலூர் மாவட்டத்திற்குட்பட்ட குன்னம் சட்டப்பேரவைத் தொகுதியில் வாக்குப்பதிவு இயந்திரங்கள் குன்னம் வட்டாட்சியர் அலுவலகத்திலிருந்து அந்த வாக்குப்பதிவு மையங்களுக்கு அனுப்பப்பட்டன.
