ராசிபுரம் குழந்தை விற்பனை வழக்கு: 11 பேருக்கு காவல் நீட்டிப்பு

நாமக்கல்: ராசிபுரம் பச்சிளங்குழந்தைகள் விற்பனை வழக்கில் கைதான 11 பேரின் நீதிமன்ற காவலை நீட்டித்து நீதிபதி உத்தரவிட்டார்.

ராசிபுரம் பச்சிளங்குழந்தைகள் விற்பனை தொடர்பாக ஆடியோ ஒன்று கடந்த ஏப்ரல் 25ஆம் தேதி வெளியாகி பெரும் அதிர்ச்சியை ஏற்படுத்தியது. இது தொடர்பாக ஓய்வுபெற்ற செவிலி அமுதவல்லி, அவரது கணவர் ரவிச்சந்திரன், இடைத்தரகர்கள் பர்வீன், ஹசீனா, லீலா, அருள்சாமி, செல்வி, சாந்தி, ரேகா, அமுதவல்லியின் சகோதரர் நந்தகுமார் உள்ளிட்ட 11 பேரை சிபிசிஐடி காவல் துறையினர் கைது செய்தனர். பின்னர் அவர்களை சேலம் மத்திய சிறையில் நீதிமன்ற காவலில் வைத்தனர்.