நாமக்கல் மாவட்டம் கொல்லிமலை அடிவாரம் நடுக்கோம்பை பகுதியில் தங்கராசு என்பவர் நாட்டுத் துப்பாக்கி வைத்து இருப்பதாக ஒருங்கிணந்த நுண்ணறிவு காவல் துறைக்கு ரகசியத் தகவல் கிடைத்தது. அதன்பேரில், அவரிடம் விசாரணை செய்ததில் வீட்டின் அருகே உள்ள தோட்டத்தில் உரிய அனுமதியின்றி நாட்டுத் துப்பாக்கியைப் பதுக்கி வைத்திருந்தது தெரியவந்தது.
இது தொடர்பாக நடந்த விசாரணையில், விவசாய நிலங்களைச் சேதப்படுத்தும் வனவிலங்குகளை வேட்டையாடுவதற்காக அவர் துப்பாக்கியை வைத்திருந்தது தெரியவந்தது. இதனையடுத்து, துப்பாக்கியைப் பறிமுதல் செய்த காவல் துறையினர், தங்கராசுவை கைது செய்து சேந்தமங்கலம் காவல் நிலையத்தில் ஒப்படைத்தனர்.
