நாமக்கல் மாவட்டம் முதலப்பட்டி அருகே லாரி ஒன்று நாமக்கல் நோக்கி சென்றபோது திடீரென பழுதானதால் பாதி வழியிலேயே நின்றது. இந்நிலையில், சேலத்தில் இருந்து நாமக்கல் நோக்கி அரசுப்பேருந்து 31 பயணிகளுடன் வந்துகொண்டிருந்தது. அப்போது, சாலையில் பழுதாகி நின்ற லாரியை கவனிக்காத பேருந்து ஓட்டுநர் சின்னதுரை லாரியின் பக்கவாட்டில் மோதியுள்ளார். இந்தச் சாலை விபத்தில் பேருந்து ஓட்டுநர் சின்னதுரை உட்பட பத்து பேர் படுகாயமடைந்தனர்.
படுகாயமடைந்தவர்களை மீட்ட அப்பகுதி மக்கள் நாமக்கல் அரசு மருத்துவமனையில் சிகிச்சைக்காக அனுமதித்தனர். சம்பவம் நடந்த இடத்திற்கு வந்த காவல் துறையினர், வழக்குப்பதிவு செய்து விசாரணை மேற்கொண்டுவருகின்றனர்.
அரசுப்பேருந்து லாரி மோதி விபத்து
