திருவாரூர் மாவட்டம் பூந்தோட்டத்தைச் சேர்ந்தவர் சோமசுந்தரம் (65). நேற்றிரவு இவரது மகன் சரவணன் (40) வெளிநாடு செல்லவிருந்த காரணத்தால், அவரை வழியனுப்ப சென்னை விமான நிலையத்திற்கு சோமசுந்தரம் தனது குடும்பத்துடன் சென்றார்.
மகனை வழியனுப்பி வைத்துவிட்டு சோமசுந்தரம், திருவாரூர் நோக்கி குடும்பத்துடன் காரில் சென்றுகொண்டிருந்தார். காரை செந்தில்குமார் (40) என்பவர் ஓட்டிவந்தார். இந்தக் கார் நாகை மாவட்டம் சீர்காழி புறவழிச்சாலை அருகே சென்றுகொண்டிருந்தபோது, ஓட்டுநரின் கட்டுப்பாட்டையிழந்தது. இதனால் எதிரே வந்த டேங்கர் லாரியின் மீது நேருக்கு நேர் மோதி விபத்துக்குள்ளானது.
விபத்தில், சோமசுந்தரம் அவரது மனைவி சாந்தி (60), மருமகள் சுமித்திரா (38) ஆகிய மூவரும் சம்பவயிடத்திலேயே உயிரிழந்தனர். மேலும், சோமசுந்தரத்தின் பேரன் புவனேஷ்வரன் (14), காரை ஓட்டிவந்த செந்தில்குமார் அவரது மகள் சாய்ஸ்ரீ (8), அவரின் தாய் அன்னபூர்னம்(60) ஆகிய நான்கு பேர் படுகாயமடைந்தனர்.
தகவலறிந்த அங்கு விரைந்த சீர்காழி காவல் துறையினர், அவர்களை மீட்டு சீர்காழி அரசு மருத்துவமனைக்கு அனுப்பிவைத்தனர். மேலும், இது குறித்து காவல் துறையினர் விசாரித்துவருகின்றனர்.
இதையும் படிங்க:
