தமிழிசைக்கு காங்கிரஸ் ரத்தம் ஓடுகிறது: அமைச்சர் ஓ.எஸ்.மணியன்

நாகப்பட்டினம்: புதுச்சேரி துணை நிலை ஆளுநர் தமிழிசை சவுந்தரராஜனுக்கு காங்கிரஸ் ரத்தம் ஓடுகிறது. அவரது செயல்பாடுகள் குறித்து பொறுத்திருந்து பார்க்கலாம் என அமைச்சர் ஓ.எஸ்.மணியன் தெரிவித்துள்ளார்.

நாகப்பட்டினம் மாவட்டம், கீழ்வேளூர் தாலுகாவிற்குட்பட்ட 581 பயனாளிகளுக்கு 7 கோடி ரூபாய் மதிப்பிலான வீட்டுமனைப் பட்டாக்களை கைத்தறி மற்றும் துணிநூல் துறை அமைச்சர் ஓ.எஸ்.மணியன் வழங்கினார்.

பின்னர் செய்தியாளர்களிடம் அவர் கூறியதாவது, "பெட்ரோல், டீசல் விலை உயர்வைக் குறைக்க வேண்டும் என மத்திய அரசிடம் முதலமைச்சர் எடப்பாடி பழனிசாமி கோரிக்கை வைத்துள்ளார். ஆகவே விரைவில் பெட்ரோல், டீசல் விலை குறையும் என எதிர்பார்க்கலாம்.

புதுச்சேரி துணை நிலை ஆளுநராக நியமிக்கப்பட்டுள்ள தமிழிசை சவுந்தரராஜனுக்கு காங்கிரஸ் ரத்தம் ஓடுகிறது. தற்போது அவரை மத்திய அரசு நியமித்துள்ளது. அவரது செயல்பாடுகள் குறித்து பொறுத்திருந்து பார்க்கலாம்" என்றார்.

இதையும் படிங்க: ஸ்டாலின் வாராரு விடியல் தரப் போறாரு” - அமைச்சர் ராஜேந்திர பாலாஜி நிகழ்ச்சியில் பாடிய சிறுவர்கள்!