நாகை மாவட்டம், மயிலாடுதுறையில் தமிழ்நாடு முஸ்லிம் முன்னேற்றக் கழகம், மனிதநேய மக்கள் கட்சியின் சார்பில் ஒருங்கிணைந்த மாவட்ட செயல்வீரர்கள் கூட்டம் நடைபெற்றது. இந்தக் கூட்டத்தில் மாநிலத் தலைவர் பேராசிரியர் எம்.ஹெச்.ஜவாஹிருல்லா சிறப்பு விருந்தினராக பங்கேற்றார்.
அப்போது பேசிய அவர், மத்திய அரசு ஒரே நாடு, ஒரே ரேஷன் அட்டை, ஒரே தேர்தல் என்ற பாணியில் இந்தியா முழுவதற்கும் ஒரே காவல்துறை தான் இருக்க வேண்டும் என்ற அடிப்படையில் நாடாளுமன்றத்தில் கொண்டுவந்துள்ள திருத்தம் தான் தேசிய பாதுகாப்பு முகமை.
இதன்பின்னர், கள்ளக்குறிச்சி, தென்காசி, செங்கல்பட்டு ஆகியவை புதிய மாவட்டங்களாக பிரிக்கப்பட்டுள்ள நிலையில், மயிலாடுதுறையை தமிழ்நாடு அரசு புதிய மாவட்டமாக அறிவிக்க வேண்டும். மேலும் முத்தலாக் சட்டத்தின் கீழ் சிறுபான்மையினரை கைது செய்து சிறையில் அடைக்க வேண்டும் என்ற நோக்கத்தோடு, மோடி அரசு கொண்டு வந்துள்ள சட்டத்தை அதிமுக மக்களவை உறுப்பினர் ரவீந்திரநாத் ஆதரித்திருப்பது வன்மையாக கண்டிக்கத்தக்கது என்றார்.
