மயிலாடுதுறை ஞானபுரீஸ்வரர், தர்மபுரீஸ்வரர் கோயில்களில் கும்பாபிஷேகம்!

மயிலாடுதுறை: தருமபுரம் ஆதீனத்தில் உள்ள ஞானபுரீஸ்வரர், தர்மபுரீஸ்வரர் கோயில்களில் பல்வேறு ஆதீனங்கள் முன்னிலையில் இன்று கும்பாபிஷேகம் நடைபெற்றது.

மயிலாடுதுறை மாவட்டம் தருமபுரம் ஆதீனத்தில் எழுந்தருளியுள்ள ஞானாம்பிகை சமேத ஞானபுரீஸ்வரர், அபயாம்பிகை சமேத தர்மபுரீஸ்வரர் சுவாமி கோயில் முழுவதும் திருப்பணிகள் செய்யப்பட்டு மகா கும்பாபிஷேகம் இன்று (அக். 29) நடைபெற்றது. கும்பாபிஷேகத்தையொட்டி 27ஆம் தேதி கணபதி ஹோமத்துடன் பூர்வாங்க பூஜைகள் தொடங்கி முதல் கால யாகசாலை பூஜை நடந்தது.

காலை 6 மணிக்கு நான்காம் கால யாகசாலை பூஜை தொடங்கி 9 மணிக்கு பூர்ணாஹூதியாகி கடகம் புறப்பட்டு கோயிலை வலம் வந்து, தருமபுர ஆதீனம் 27ஆவது குருமகாசந்நிதானம் ஸ்ரீலஸ்ரீ மாசிலாமணி தேசிகர் ஞானசம்பந்த பரமாச்சாரிய சுவாமிகள் முன்னிலையில் காலை 9.30 மணிக்கு ஞானபுரீஸ்வரர் கோயில் கும்பாபிஷேகமும், 10.30 மணிக்கு தர்மபுரீஸ்வரர் கோயில் மகா கும்பாபிஷேகம் நடந்தது.

இதில் திருப்பனந்தாள் ஆதீனம் முத்துக்குமாரசாமி, தம்பிரான் சுவாமிகள், பல்வேறு ஆதீன கட்டளை தம்பிரான்கள் உட்பட திரளான பக்தர்கள் கலந்து கொண்டனர்.

இதையும் படிங்க...குரங்குகளை விரட்ட விவசாயியின் புது முயற்சி