மயிலாடுதுறை: குத்தாலம் தாலுகா மல்லியம் ரயிலடி தெருவில் உள்ள குளத்தில், பச்சிளம் ஆண் குழந்தை ஒன்று உயிரிழந்த நிலையில் மிதந்துக்கொண்டிருந்தது. இதைக் கண்டு அதிர்ச்சியடைந்த அப்பகுதி மக்கள் இது குறித்து காவல் துறையினருக்கு தகவல் தெரிவித்தனர்.
இந்தத் தகவலின் அடிப்படையில் குத்தாலம் காவல் துறையினர் சம்பவ இடத்திற்கு சென்று குழந்தையின் உடலை கைப்பற்றினர். பின்னர் குழந்தையின் உடலை மயிலாடுதுறை அரசு மருத்துவமனைக்கு உடற்கூராய்விற்காக எடுத்துச் சென்றனர்.
இது குறித்து வழக்குப்பதிவு செய்த காவல் துறையினர், அடையாளம் தெரியாத அந்த பச்சிளம் குழந்தையின் பெற்றோர் யார், எதற்காக குளத்தில் வீசி சென்றார்கள், எப்படி குழந்த இறந்தது என்பது குறித்து தீவிர விசாரணை மேற்கொண்டு வருகின்றனர்.
பிறந்து சில மணி நேரமான நிலையில் இருந்த பச்சிளம் குழந்தை, குளத்திலிருந்து உயிரிழந்த நிலையில் மீட்கப்பட்டுள்ள சம்பவம் கல் நெஞ்சம் கொண்டோரையும் கலங்கச் செய்வதாக அமைந்தது.
இதையும் படிங்க: ரேஷன் அரிசி, கோதுமை மூட்டைகள் பதுக்கல் - ஒருவர் கைது
