மயிலாடுதுறை மாவட்டத்தில் கடந்த இரண்டு மாதங்களாக கரோனா பாதிப்பு தொடர்ந்து அதிகரித்து வருகிறது. இதையொட்டி மக்களுக்கு கரோனா வைரஸின் பாதிப்பிலிருந்து பாதுகாத்துக்கொள்ள அரசின் வழிகாட்டுதல் விதிமுறைகளைக் கடைபிடிப்பது குறித்து, விழிப்புணர்வு ஏற்படுத்தும் வகையில், துண்டுபிரசுரங்கள் விநியோகிக்க ஏற்பாடு செய்யப்பட்டது. இதனை மயிலாடுதுறை சேம்பர் ஆஃப் காமர்ஸ் அமைப்பு முன்னெடுத்து, 20 ஆயிரம் விழிப்புணர்வு துண்டு பிரசுரங்கள் அச்சடிக்கப்பட்டு, மயிலாடுதுறை பேருந்து நிலையம், கடை வீதி மற்றும் நகரமெங்கும் விநியோகிக்க பணிகள் நடந்தன.
மயிலாடுதுறை மணிக்கூண்டு பகுதியில் சேம்பர் ஆஃப் காமர்ஸ் தலைவர் செந்தில்வேல் தலைமையில் இன்று (செப்.03) நடைபெற்ற தொடக்க விழா நிகழ்ச்சியில் மாவட்ட சிறப்பு அலுவலர் லலிதா, மாவட்ட காவல் கண்காணிப்பாளர் ஸ்ரீநாத் ஆகியோர் பங்கேற்று பொதுமக்களுக்கு துண்டு பிரசுரங்களை வழங்கி கரோனா குறித்த விழிப்புணர்வை ஏற்படுத்தினர்.
தொடர்ந்து விழிப்புணர்வு துண்டு பிரசுரங்களை மன்னம்பந்தல் தனியார் கல்லூரி என்சிசி மாணவர்கள் பொதுமக்களுக்கு வழங்கினர்.
