மறைந்த நடிகர் விவேக் மதுரையிலுள்ள அமெரிக்கன் கல்லூரியில் இளங்கலை வணிகவியல் பயின்றவர் ஆவார். 1978ஆம் ஆண்டு முதல் 81ஆம் ஆண்டு வரை அங்கு பயின்ற அவர், ஓராண்டு டெலிபோன் ஆபரேட்டர் பயிற்சியையும் பெற்றுள்ளார்.
முன்னதாக 2018ஆம் ஆண்டு பிப்ரவரி 13ஆம் தேதி, மதுரை அமெரிக்கன் கல்லூரியில் நடைபெற்ற விழா ஒன்றில் கல்லூரிக்காக தொடங்கப்பட்ட ஒலி, ஒளிப்பதிவு மையத்தை விவேக் நேரில் சென்று திறந்து வைத்தார்.
அச்சமயம் தனது வகுப்புத் தோழர்களோடும் பேராசியர்களோடும் அவர் கலந்துரையாடி மகிழ்ந்தார். அப்போது அவர் எடுத்துக் கொண்ட புகைப்படங்கள் அனைத்தும் தற்போது சமூக வலைதளங்களில் அவரை நினைவுகூரும் விதமாக பகிரப்பட்டு வருகின்றன.
இதையும் படிங்க: ’வீ மிஸ் யூ’ - மறைந்த நடிகர் விவேக்குக்கு நடராஜன் இரங்கல்
