திருவள்ளூர் மாவட்டத்தைச் சேர்ந்தவர் காவலர் கல்லாணை. இவர் சென்னை தமிழ்நாடு சிறப்புக் காவல்படையில் காவலராக பணியாற்றிவந்த நிலையில், 2017ஆம் ஆண்டு இவர் மீது பல்வேறு புகார்கள் வந்ததால் தற்காலிக பணிநீக்கம் செய்யப்பட்டார்.
இந்நிலையில் மதுரையில் உள்ள தனது நண்பர் சுந்தரை காண்பதற்காக மதுரை ஆறாவது சிறப்புக் காவல்படை குடியிருப்புக்குச் சென்ற அவர் வீட்டில் யாரும் இல்லாத நேரத்தில் மின்விசிறியில் தூக்கிட்டுத் தற்கொலை செய்துகொண்டுள்ளார்.
காவலர் தற்கொலை
தகவலறிந்து சம்பவ இடத்திற்கு வந்த காவல் துறையினர் கல்லாணையின் உடலை கைப்பற்றி உடற்கூறாய்வுக்காக அரசு இராசாசி மருத்துவமனைக்கு அனுப்பிவைத்தனர். பின்னர் காவலர்கள் நடத்திய முதல்கட்ட விசாரணையில் காதலித்த பெண்ணுடன் ஏற்பட்ட தகராறின் காரணமாக மனமுடைந்து கல்லாணை தற்கொலை செய்துகொண்டது தெரியவந்துள்ளது.
