மதுரை சத்யசாய் நகர் பகுதியைச் சேர்ந்தவர் ரங்கசாமி (66). இவர் தனது பக்கத்து வீட்டில் வசிக்கும் ஏழு வயது சிறுமிக்குப் பாலியல் வன்புணர்வு செய்து துன்புறுத்தியதாகக் கூறி, காவல் துறையினர் போக்சோ சட்டத்தின் கீழ் இவரைக் கைது செய்தனர்.
அவரிடம் நடத்திய விசாரணையில், சிறுமியின் தாயார் அருகே உள்ள கடைக்குச் சென்ற சூழலைப் பயன்படுத்தி, சிறுமிக்கு சாக்லேட் வாங்கித் தருவதாக ஆசைகாட்டி பாலியல் வன்புணர்வு செய்ததாகவும், ஏற்கனவே சிறுமி தனியாக இருந்தபோது, அவரை மிரட்டி பாலியல் வன்புணர்வு செய்ததாகவும் ஒப்புக்கொண்டுள்ளார்.
தற்போது சிறுமி மருத்துவப் பரிசோதனைக்காக அரசு ராசாசி மருத்துவமனையில் அனுமதிக்கப்பட்டுள்ளார். மதுரையில் அடுத்தடுத்து பெண் குழந்தைகளுக்கு எதிராக நடைபெறும் பாலியல் தொந்தரவுகளால் பொதுமக்கள் அச்சமடைந்துள்ளனர்.
மேலும், கந்துவட்டிக்குப் பணம் கொடுக்கும் சில முதியவர்கள், வட்டிக்கு வாங்கிய நபர்களின் வீடுகளில் உள்ள குழந்தைகளுக்கும், இளம்பெண்களுக்கும் பாலியல் ரீதியான தொந்தரவு கொடுப்பதாகவும் அதிர்ச்சி தகவல்கள் வெளியாகியுள்ளன.
