இந்த வரலாற்று நிகழ்வின் நூற்றாண்டு தினம் இன்றாகும். இது தொடர்பாக மூத்த வழக்கறிஞர் கே.எஸ்.ராதாகிருஷ்ணன் பதிவு ஒன்றை வெளியிட்டுள்ளார். அதில், ”1931 லண்டன் வட்ட மேசை மாநாட்டில் கலந்து கொண்ட மகாத்மா காந்தியை, அன்றைய பிரிட்டிஷ் பிரதமர் வின்ஸ்டன் சர்ச்சில் 'அரை நிர்வாண பக்கிரி' என்று கேலி பேசினார்.
அந்தப் பக்கிரியின் தலைமையில் தான், சூரியன் அஸ்தமிக்காத பிரிட்டிஷ் சாம்ராஜ்யத்தை இந்திய மக்கள் முடிவுக்கு கொண்டு வந்தனர். அண்ணலை, அரை நிர்வாணப் பக்கிரியாக மாற்றிய அவதாரத் திருநாள் செப்டம்பர் மாதம் 22 ஆம் தேதி.
மதுரையில் தங்கியிருந்த அவரை, ஒரு நூற்றாண்டுக்கு முன், இந்த நாளில் காலையில் சந்தித்தவர்களுக்கு ஒரு அதிர்ச்சி. தன் வழக்கமான ஆடைகளை விடுத்து ‘இடுப்பில் ஒரு துணி, மேல் உடம்பை மூடி ஒரு துணி’ என்ற கோலத்தில் காட்சி தந்தார் மகாத்மா காந்தி.
மதுரை மாவட்டத்தில் எளிய ஆடையில் உழைத்துக் கொண்டு இருந்த விவசாயியைப் பார்த்த பின் 'இவ்வளவு துணிகளை உடுத்திக் கொள்கிறோமே, தேவைக்கு அதிகமாகப் பயன்படுத்துகிற நாம் திருடன் அல்லவா' என்ற சிந்தனை, முந்திய இரவெல்லாம் அவரைத் தூங்கவிடாமல் செய்ததன் விளைவே இந்த ஆடை மாற்றக் காட்சி.
'மாற்றம் என்பது தன்னில் இருந்து தொடங்க வேண்டும்' என்பதைத் தன் வாழ்வியல் நடைமுறையாகக் கொண்டவர் உத்தமர் காந்தி” எனக் குறிப்பிட்டுள்ளார்.
இதையும் படிங்க: பாரதியார் இறக்கும் தருணத்தில் நடந்தது என்ன? - விவரிக்கிறார் கே.எஸ்.ராதாகிருஷ்ணன்
