மதுரை மாவட்டம் அவனியாபுரம் அருகே எம்எம்சி காலனியில் 100 ஆண்டுகள் பழமை வாய்ந்த மிகவும் பிரசித்தி பெற்ற ஸ்ரீ வீரமாகாளியம்மன் திருக்கோயில் அமைந்துள்ளது. இந்தக் கோயிலுக்கு கும்பாபிஷேகம் நடத்த திட்டமிடப்பட்டு கடந்த 8ஆம் தேதி கணபதி ஹோமம், நவக்கிரஹ, வாஸ்து ஹோமம் உள்ளிட்ட பூஜைகளுடன் சிவாச்சாரியர்கள் தலைமையில் தொடங்கியது.
முக்கிய நிகழ்ச்சியான மஹா அஷ்டபந்தன கும்பாபிஷேகம், சிவாச்சாரியர்களின் வேத மந்திரங்கள் முழங்க கோவில் விழாக் கமிட்டியினர் தலைமையில் நடைபெற்றது. யாகசாலையில் வைத்து பூஜிக்கப்பட்ட கலசங்களில் உள்ள புனித நீரைக்கொண்டு விமானக்கலசங்களில் கும்பாபிஷேகம் நடைபெற்றது.
இவ்விழாவில் சின்ன உடைப்பு, வில்லாபுரம், அவனியாபுரம் உள்ளிட்ட சுற்றுவட்டாரப் பகுதிகளிலிருந்து 2 ஆயிரத்திற்கும் மேற்பட்ட பக்தர்கள் கலந்துகொண்டு பக்தி பரவசத்துடன் சாமியை தரிசனம் செய்தனர். கும்பாபிஷேக நிகழ்ச்சியில் கலந்துகொண்ட பக்தர்கள், பொதுமக்கள் உட்பட அனைவருக்கும் அன்னதானம் வழங்கப்பட்டது.
இதையும் படிங்க: முத்தாரம்மன் கோயில் கும்பாபிஷேகம்: 1008 விளக்குப் பூஜையில் பெண்கள் சிறப்பு வழிபாடு!
