இப்போதெல்லாம் பெரியவர், சிறியவர் என்ற பாகுபாடின்றி அனைவரும் சர்க்கரை நோயால் பாதிக்கப்பட்டு வருகின்றனர். இரத்தத்தில் உள்ள சர்க்கரையின் அளவை கட்டுக்குள் வைக்க பலரும் பல முயற்சியை தினந்தோறும் செய்து வருகின்றனர். அதில் ஒன்று தான், சாதத்தை தவிர்த்து சப்பாத்தியை சாப்பிடுவது. சப்பாத்தி சாப்பிட்டால் சர்க்கரை அளவு கட்டுக்குள் இருக்கும் என்பது பல நீரிழிவு நோயாளிகளின் நம்பிக்கையாக இருக்கிறது.
ஆனால், உன்மையில் சர்க்கரை நோய் உள்ளவர்கள் சாதத்திற்கு பதிலாக சப்பாத்தி சாப்பிடுவது நல்லதா? சப்பாத்தி சப்பிட்டால் சர்க்கரை அளவு குறையுமா? போன்ற கேள்விகளுக்கு முன்னணி ஊட்டச்சத்து நிபுணர் ஜானகி ஸ்ரீநாத் பதிலளித்துள்ளதை இங்கு பார்க்கலாம்.
“நீரிழிவு நோயாளிகள் தங்களுக்கென பிரத்யேக உணவு முறையை கடைபிடிக்க வேண்டும். இரத்தத்தில் சர்க்கரையின் அளவை கட்டுப்படுத்தும் முன், உடல் எடை குறைந்துள்ளதா இல்லையா என பரிசோதித்து, குறைவாக இருந்தால், சரியான நிலைக்கு அதிகரிக்க வேண்டும். அதிகமாக இருந்தால், குறைக்க முயற்சிக்க வேண்டும். மேலும், நீங்கள் நாள் முழுவதும் உடல் சம்பந்தப்பட்ட எந்த வகையான வேலை செய்கிறீர்கள்? என்பதை தெரிந்து கொள்ள வேண்டும்" என்கிறார் டாக்டர் ஜானகி ஸ்ரீநாத்.
எது சிறந்தது?: மேலும், சாதம் அல்லது சப்பாத்தி சாப்பிடுவதால் ரத்தத்தில் உள்ள சர்க்கரையின் அளவைக் கட்டுப்படுத்துவதில் பெரிய வித்தியாசம் இல்லை. உடலுக்குத் தேவையான ஆற்றலைக் குறைக்கும் அளவுக்கு கலோரிகளை உட்கொள்கிறோமா என்பதைச் சரிபார்த்தால் போதும்.ஆனால், எவ்வளவு சாதம் உட்கொள்கிறோம் என்பதை கவனிக்க பரிந்துரைக்கப்படுகிறது. சாதம் சாப்பிட்டல் தான் சர்க்கரை அளவு அதிகரிக்கும் என நினைத்து சப்பாத்தியை அதிகமாக சாப்பிட்டால் எந்த பலனும் இருக்காது.
அளவு: சாதம், சப்பாத்தி எடுத்துக்கொள்ளும் போது, இவற்றுடன் கீரைகள், காய்கறி, சாலட், நார்ச்சத்துள்ள பொருட்கள் மற்றும் போதிய புரோட்டீன் ஆகியவற்றை எடுத்துக் கொள்ள வேண்டும். இவற்றை உண்பதால் குளுக்கோஸ் மெதுவாக வெளியேறி பசி குறையும் என்று கூறப்படுகிறது. ஒருபுறம், உடலுக்கு போதுமான ஊட்டச்சத்தை எடுத்துக் கொள்ளும்போது உடல் உழைப்பு இருக்க வேண்டும். சப்பாத்தி, சாதம் என எதையுமே அளவோடு தான் எடுத்துக்கொள்ள வேண்டும் என்கிறார்
இதையும் படிங்க:
சப்பாத்தி பஞ்சு போல் உப்பி வர வேண்டுமா? இந்த 'பழத்தை' கோதுமை மாவுடன் பிசைந்து பாருங்கள்!
இரவில் நெல்லிக்காய் ஜூஸ் குடிப்பதால் கிடைக்கும் 5 நன்மைகள்!
பொறுப்புத் துறப்பு: இங்கு, உங்களுக்கு வழங்கப்படும் அனைத்து தகவல்களும், பரிந்துரைகளும் உங்கள் புரிதலுக்காக மட்டுமே. அறிவியல் ஆராய்ச்சி, ஆய்வுகள், மருத்துவம் மற்றும் சுகாதார நிபுணத்துவ ஆலோசனைகளின் அடிப்படையில் இந்தத் தகவலை நாங்கள் வழங்குகிறோம். இவற்றைப் பின்பற்றும் முன் உங்கள் தனிப்பட்ட மருத்துவரின் ஆலோசனையைப் பெறுவது நல்லது என்பதை குறிப்பிடுகிறோம்.
