மதுரை மாவட்டம் அலங்காநல்லூரில் உலகப் புகழ்பெற்ற ஜல்லிக்கட்டு நடைபெற்றுக்கொண்டிருக்கிறது. அங்கு தென்மண்டல காவல் துறைத் தலைவர் சண்முக ராஜேஸ்வரன் தலைமையில் மதுரை மாவட்ட காவல் கண்காணிப்பாளர் மணிவண்ணன் உள்பட இரண்டு காவல் கண்காணிப்பாளர்கள் பாதுகாப்புப் பணியில் ஈடுபட்டுள்ளனர்.
இது குறித்து காவல் துறைத் தலைவர் சண்முக ராஜேஸ்வரன் செய்தியாளர்களிடம் பேசுகையில், "கடந்த மூன்று நாள்களாக ஜல்லிக்கட்டு மிகவும் சிறப்பாக நடைபெற்றுவருகிறது. ஜல்லிக்கட்டு நடைபெறும் பகுதிகளில் மாவட்ட ஆட்சியரின் உத்தரவின்பேரில் மருத்துவக் குழுக்கள், அவரச ஊர்திகள், தீயணைப்புத் துறையினர் உள்ளிட்டோர் தயார் நிலையில் உள்ளனர்.
ஜல்லிக்கட்டை காணவரும் பார்வையாளர்களுக்கு அனைத்து வசதிகளும் ஏற்படுத்தப்பட்டுள்ளன. மேலும் அலங்காநல்லூர் ஜல்லிக்கட்டு அரசு விதிகளுக்குள்பட்டு அனைத்து பாதுகாப்பு ஏற்பாடுகளும் சிறப்பாக செய்யப்பட்டுள்ளது" எனத் தெரிவித்தார்.
இதையும் படிங்க:
'வாவ்... ஜல்லிக்கட்டு!' - அலங்காநல்லூரில் வியந்த வெளிநாட்டினர்
