மதுரைக்கு வந்த 4ஆவது ஆக்சிஜன் ரயில்: மருத்துவமனைகளுக்கு சப்ளை செய்த அலுவலர்கள்!

மதுரை: தென் தமிழ்நாட்டிற்கு இன்று (மே.29) நான்காவது முறையாக 31.02 மெட்ரிக் டன் ஆக்சிஜன், சிறப்பு ரயில் மூலம் கூடல்நகர் ரயில் நிலையம் வந்தடைந்தது.

தமிழ்நாட்டின் தென் மாவட்டங்களுக்கு நான்காவது முறையாக ஒடிசாவிலிருந்து இரண்டு டேங்கர் லாரிகளில் 31.02 மெட்ரிக் டன் திரவ மருத்துவ ஆக்சிஜன், எக்ஸ்பிரஸ் ரயில் மூலம் இன்று (மே 29) மதுரை கூடல்நகர் ரயில் நிலையத்தை வந்தடைந்தது.

இதற்காக டேங்கர் லாரிகள் ரயில்வே பிளாட்பாரத்திலிருந்து இறங்கும் வகையில் சாய்வுதளப் பாதை புதிதாக கூடல் நகரில் அமைக்கப்பட்டுள்ளது. இது தமிழ்நாட்டிற்கு வந்த 29ஆவது ஆக்சிஜன் எக்ஸ்பிரஸ் ரயில்.