மதுரையைச் சேர்ந்த மருத்துவர் அமுதகுமார் மருத்துவச் சேவையில் சிறந்து பணியாற்றியமைக்காக இங்கிலாந்து பாராளுமன்றம் "வாழ்நாள் மருத்துவ சாதனையாளர்" விருதும், லண்டன் உலக தமிழ்ச் சங்கம் சார்பில் "உலக மருத்துவ சாதனையாளர்" விருதும் வழங்கி கௌரவித்துள்ளனர்.
இங்கிலாந்திலிருந்து மதுரை விமான நிலையத்திற்கு வந்த மருத்துவர் அமுதகுமார் செய்தியாளர்களைச் சந்தித்தார். அப்போது, ‘மருத்துவ சேவைக்கான உயரிய விருது கடந்த 22ஆம் தேதி இங்கிலாந்து பாராளுமன்றம் "வாழ்நாள் மருத்துவ சாதனையாளர்" விருது வழங்கியது. அதேபோல் லண்டன் உலக தமிழ்ச் சங்கம் சார்பில் "உலக மருத்துவ சாதனையாளர்" விருதும் வழங்கப்பெற்றேன்’ என்றார்.
தொடர்ந்து, 'விருது கிடைத்தமைக்கு மிகவும் பெருமை அடைகிறேன். கிராமப்புற சேவை, அவசரகால சேவை ஆகிய பிரிவுகளில் சிறந்த மருத்துவ சேவைக்காக இந்த விருது வழங்கப்பட்டுள்ளது' எனக் கூறினார்.
மேலும், 'தமிழகத்திலிருந்து இந்த விருது முதன் முறையாக எனக்கு கிடைத்துள்ளது. கடந்த 22 வருடங்களாக மருத்துவ சேவை செய்ததில் விருது கிடைத்ததை பெருமையாகக் கருதுகிறேன்' எனவும் அவர் கூறினார்.
இதையும் படிங்க: நாமக்கல் அருகே போலி மருத்துவர் கைது!
