கிருஷ்ணகிரி மாவட்டம், ஓசூர் அடுத்த தேன்கனிக்கோட்டை அருகே உள்ள மரகட்டா கிராமத்தைச் சேர்ந்தவர் சரஸ்வதி. கூலித் தொழிலாளியான இவர், நேற்று மரகட்டா கிராமம் அருகே வனப் பகுதியில் அமைந்துள்ள முனீஸ்வரன் கோயிலுக்கு வழிபடச் சென்றதாக கூறப்படுகிறது.
அப்போது, சரஸ்வதியை ஒற்றை காட்டு யானை தூக்கி வீசியுள்ளது. இதில் பலத்த காயமடைந்த அவர் பரிதாபமாக அங்கேயே உயிரிழந்தார்.
மரகட்டா வனப் பகுதியில் பெண் உயிரிழந்திருப்பதாக தேன்கனிக்கோட்டை வனத்துறையினருக்கு பொதுமக்கள் அளித்த தகவலின் பேரில், சம்பவ இடத்துக்கு வந்த அவர்கள் உயிரிழந்த பெண்ணின் உடலை மீட்டு உடற்கூறாய்வுக்காக தேன்கனிக்கோட்டை அரசு மருத்துவமனைக்கு அனுப்பி வைத்தனர். இச்சம்பவம் குறித்து வனத்துறையினர் விசாரணை மேற்கொண்டு வருகின்றனர்.
இதையும் படிங்க : விமானத்தில் வந்த 645 இந்தியர்களுக்கு கொரோனா பாதிப்பு இல்லை: சுகாதாரத் துறை
