கிருஷ்ணகிரி அருகே உள்ள கெங்கலேரி மலையின் அடிவாரத்துக்கு செல்லும் மண் பாதையில், மாந்தோப்பின் நடுவே மிகவும் பழமையான, பத்துக்கு பத்து அடி அளவில் கல்திட்டை அமைந்துள்ளது. சுமார் இரண்டு முதல் மூன்று அடி கனம் கொண்ட இக்கல்திட்டை இன்றும் பழமை மாறாமல் அதன் சிறப்பைத் தக்கவைத்துள்ளது.
கெங்கலேரி கிராமத்தில் காணப்படும் இந்தக் கல்திட்டையை முட்புதர்போல் செடிகளும் மரங்களின் வேர்களும் மூடியுள்ளன. இந்தக் கல்திட்டையின் உள்ளே புதையல் இருப்பதாகக்கூட கிராம மக்களிடையே நம்பிக்கை உள்ளது. இதையடுத்து இரவு நேரங்களில் கல்திட்டையை சுற்றி புதையல் தேடும் நிகழ்வுகளும் அரங்கேறி வருகின்றன.
இவற்றின் காரணமாக, பழமை வாய்ந்த கல்திட்டை சிதலமடையும் நிலை உருவாகி வருகிறது. இந்தக் கல்திட்டையில் குள்ள மனிதர்கள் வாழ்ந்ததாகவும் ஒரு தரப்பினர் கூறி வருகின்றனர். ஆகையால் பழமை வாய்ந்த இந்த குகையை சமூக விரோதிகளிடமிருந்து பாதுகாக்க தொல்லியல் ஆராய்ச்சியாளர்கள் முன்வர வேண்டும் என, அப்பகுதி மக்கள் கோரிக்கை விடுத்துள்ளனர்.
இதையும் படிங்க: உலகத்திலேயே கேவலமாக ஊரடங்கை அமல்படுத்தியது தமிழ்நாடு அரசுதான் - ஸ்டாலின்
