கரூர் மாவட்டம் உடையாம்பாளையம் பகுதியில் விக்டோரியா பேப்பர் போட் என்கிற டெக்ஸ்டைல்ஸ் நிறுவனம் இயங்கிவருகிறது. இதில் பணியாற்றும் 15க்கும் மேற்பட்ட ஊழியர்களை ஏற்றிச்சென்ற வேன், எதிரே வந்த அரசு பேருந்து மீது மோதி விபத்துக்குள்ளானது.
இந்த விபத்தில் சினேகா(22) என்ற பெண் சம்பவ இடத்திலேயே பரிதாபமாக உயிரிழந்தார். இதில் படுகாயமடைந்த வேனின் ஓட்டுநர் கோவை மருத்துவமனையில் சிகிச்சைக்காக அனுமதிக்கப்பட்டிருந்த நிலையில் இன்று சிகிச்சை பலனின்றி உயிரிழந்தார்.
உயிரிழந்தவர்களின் உடல்களை கைப்பற்றி காவல் துறையினர் விசாரித்து வந்தனர். இந்நிலையில், முருகனின் மருத்துவ செலவிற்காக பேப்பர் போட் நிறுவனம் எந்த ஒரு உதவியும் செய்யாமல் மெத்தனமாக இருந்ததே முருகனின் இறப்புக்கு காரணம் என்றும் அவரது குடும்பத்தினருக்கு நஷ்ட ஈடு வழங்கவேண்டும் என்று கூறியும் அவரது உறவினர்கள் மருத்துவமனை முன்பு திடீரென்று சாலை மறியலில் ஈடுபட்டனர். இதனால் அப்பகுதியில் சிறிது நேரம் பரபரப்பு ஏற்பட்டது.
இதையும் படிங்க: மாருதி வேனில் பற்றி எறிந்த தீ - பொதுமக்கள் பீதி
