காவல்துறை பாரபட்சம் - எஸ்.பி அலுவலகம் முற்றுகை

கரூர்: காவல்துறையினர் பாரபட்சமாக நடந்து கொண்டதாகக் கூறி 200க்கும் மேற்பட்டவர்கள் காவல்துறை அலுவலகத்தை முற்றுகையிட்டதால் அப்பகுதியில் பரபரப்பு ஏற்பட்டது.

கரூர் மாவட்டம் குளித்தலை அடுத்த புரளி கிராமத்தில் கோயில் திருவிழாவின்போது சாதிச் சண்டை ஏற்பட்டது.

இது தொடர்பாக குளித்தலை காவல்துறையினர் வழக்குப் பதிவு செய்யும்போது ஒரு சாதியினர் மீது மட்டும் வழக்கு பதிவு செய்துள்ளனர். இதனால், பாதிக்கப்பட்ட மற்ற சமூகத்தினர் இருநூற்றுக்கும் மேற்பட்டோர் கரூர் மாவட்ட காவல் கண்காணிப்பாளர் அலுவலகத்தினை முற்றுகையிட்டனர்.

இந்த பிரச்னையில் நியாயம் கிடைக்காவிட்டால் மக்களவைத் தேர்தலில்வாக்கு செலுத்தப் போவதில்லை என்றும் எச்சரிக்கை விடுத்தனர்.