நடிகர் விஜய் திரையுலகிற்கு வந்து 28ஆம் ஆண்டு நிறைவடைந்துள்ள நிலையில் அதனை அவரது ரசிகர்கள் கொண்டாடிவருகின்றனர். அந்த வகையில் குமரி மாவட்ட விஜய் ரசிகர் மன்றம் சார்பில் பெண்களுக்கான கால்பந்தாட்ட போட்டிகள் நடத்தப்பட்டது.
பெண்களை ஊக்கப்படுத்த வேண்டும் என்ற நோக்கில் இப்போட்டிகள் நடத்தப்பட்டன. நாகர்கோவில் அண்ணா விளையாட்டு அரங்கில் நடைபெற்ற இந்த கால்பந்தாட்ட போட்டியில் தோவாளை, ஆரல்வாய்மொழி, அருமனை உள்ளிட்ட பல இடங்களில் இருந்தும் பத்துக்கும் மேற்பட்ட பெண்கள் கால்பந்தாட்ட அணிகள் கலந்துகொண்டன.
இறுதிப்போட்டியில் ஆரல்வாய்மொழி அணியை தோவாளை அணி 2-0 என்ற கோல் கணக்கில் வெற்றிபெற்றது. வெற்றி பெற்ற அணிக்கு ரொக்கப் பரிசும் கேடயமும் வழங்கப்பட்டது.
சமீபத்தில் அட்லி இயக்கத்தில் விஜய் நடித்திருந்த பிகில் படத்தில் பெண்களின் கால்பந்தாட்ட விளையாட்டு குறித்து கதைக்களம் அமைக்கப்பட்டிருக்கும். தற்போது பெண்களை ஊக்கப்படுத்தும் விதமாக விஜய் ரசிகர்கள் கால்பந்தாட்ட போட்டி நடத்தியிருக்கின்றனர்.
