கன்னியாகுமரி மாவட்டம், தடிக்காரக்கோணம் அருகே வீரப்புலி பகுதியைச் சேர்ந்தவர் அபிலாஷ் (23). இவர் அதே பகுதியைச் சேர்ந்த தனது தூரத்து உறவினரான பத்தாம் வகுப்பு மாணவியிடம் திருமணம் செய்வதாக ஆசை வார்த்தைகள் கூறி வந்துள்ளார்.
இந்நிலையில், அபிலாஷ் தனது வீட்டில் யாரும் இல்லாத நேரத்தில், அந்த மாணவியை அழைத்து வந்து பாலியல் வன்கொடுமை செய்துள்ளார். இந்த சம்பவத்தை மாணவி தனது பள்ளி ஆசிரியையிடம் தெரிவித்துள்ளார். இதனைக்கேட்டு அதிர்ச்சியடைந்த ஆசிரியை, உடனே மாவட்ட சமூக நலத்துறை அலுவலர் சரோஜினிக்குத் தகவல் கொடுத்துள்ளார்.
இதனைத் தொடர்ந்து சரோஜினி குழித்துறை அனைத்து மகளிர் காவல்நிலையத்தில் புகார் செய்ததைத் தொடர்ந்து அபிலாஷை காவல் துறையினர் கைது செய்து விசாரணை நடத்தினர். இதில் அவர், தான் செய்த தவறை ஒப்புக்கொண்டுள்ளார். இதைத் தொடர்ந்து அபிலாஷை போக்ஸோ சட்டத்தின் கீழ் வழக்குப்பதிவு செய்து காவல்துறையினர் சிறையில் அடைத்தனர்.
